Даслаць навіну
Знайсці
19.11.2019 / 18:30 29

Літоўскі навуковец: У Свіслачы эксгумавалі парэшткі не Віктара Каліноўскага

Літоўскі бок правёў аналіз ДНК-экспертызы парэшткаў, што былі эксгумаваныя з меркаванай магілы брата Кастуся — Віктара Каліноўскага ў Свіслачы. Раней Беларусь перадала свае звесткі для параўнання іх з ДНК паўстанцаў, знойдзеных на гары Гедзіміна, паведамляе Белсат.

Павялічыць выяву

Даследчыкі з Вільні прыйшлі да высновы, што ў магіле ў Свіслачы пахаваны насамрэч не Віктар Каліноўскі.

«Наш судовы медык супаставіў дадзеныя і прыйшоў да высновы, што храмасомы і ДНК не супадаюць з ДНК Кастуся Каліноўскага. Таму пахаванне ў Свіслачы не брата Кастуся Каліноўскага. Ідэнтыфікаваць, хто пахаваны ў магіле не ўяўляецца магчымым, гэта невядомая асоба», — распавёў «Белсату» Рымантас Янкаўскас, прафесар Віленскага ўніверсітэту, каардынатар па ідэнтыфікацыі парэшткаў.

Следчы камітэт правёў эксгумацыю магчымай магілы Віктара Каліноўскага яшчэ ў ліпені сёлета. Але вынікі даследавання былі перададзеныя Літоўскаму боку толькі цяпер.

«Чаму беларускі бок так позна перадаў нам матэрыялы — на гэтае пытанне мае адказаць беларускі бок. Бо як вынікае з дакументаў генетычная экспертыза была зроблена яшчэ 1 кастрычніка, а антрапалагічная экспертыза завершана яшчэ напрыканцы верасня. Таму паўтары месяцы мы былі ў невядомасці. Асабіста з майго пункту погляду гэта выглядае як несяброўскі крок беларускіх уладаў, або тых, хто займаецца пытаннямі супрацы», — адзначыў «Белсату» Рымантас Янкаўскас, прафесар Віленскага ўніверсітэту, каардынатар па ідэнтыфікацыі парэшткаў.

Белсат

0
Козік / адказаць
21.11.2019 / 00:35
Адзін з варыянтаў знайсці кагосці са сваякоў Кастуся - гэта праверыць зразкі ДНК у жывых людзей па прозвішчу Каліноўскі як на Беларусі, так і за яе межамі.  Гэта могуць зрабіць і летувісцкія ўлады. Тут вялікіх выдаткаў ня трэба.
0
Козік / адказаць
21.11.2019 / 10:34
>...ДНК экспертыза не пацьвердзіла, што ў Вільні знайшлі парэшткі Кастуся...

Ну вось ізноў, хоць сцы ў вочы...

Зараз рэканструкцыя галавы па чэрапу знаходзіцца ў афіцыйным пераліку экспертыз, якія выконваюць судзебныя эксперты.  Вынікам такой экспертызы з'яўляецца апазнанне галавы сваякамі ці вырашэнне падабенства з прыжыццёвымі фатаграфіямі нябожчыка. Экспертыза зробленая, яна пацвердзіла, што гэта Кастусь.

Браць зразкі ДНК са знойдзеных парэшткаў стала стандартам.  Такі зразок узялі і ў Кастуся і ва ўсіх забітых расейскімі акупантамі жаўнераў.  Што значыць эжкспертыза ДНК не пацвердзіла...  Яна і не магла нічога пацвердзіць, т.я. няма арыгіналу зразка ДНК нікога з радні Кастуся.  Няма "эталона".

А парэшткі Кастуся знайшлі менавіта ў Вільні, на гары Гедзіміна, дзе ён і яго браты па зброі былі пакараныя смерцю і там жа схаваныя расейскімі акупантамі. Усё вядома.

0
Жвір / адказаць
21.11.2019 / 15:50
Козік, 1) "черепно-лицевое наложение - скажем так, мягкое доказательство, оно не подтверждает идентичность" - гэта Вам словы таго самага ліетувіскага навукоўцы. Вы, Козік, чытаць ня ўмееце, ці ў Вас вочы засцаныя ? З такім посьпехам Кастуся можна шукаць і ў музэі мадам Тюссо...

2) Ніхто ня ставіў мэтаў шукаць сваякоў Кастуся, і гэта не магчыма зрабіць праз немагчымасьць ідэнтыфікаваць знойдзеныя ў Вільні парэшткі ! Мэтаю эксгумацыі ў Сьвіслачы як раз і была ідэнтыфікацыя парэшткаў імаверна належачых Кастусю, каб запэўніцца (бо пэўнасьці не было й няма), што знойдзены менавіта ён. Дзеля гэтага спатрэбілася эксгумацыя ў Свіслачы.
У выніку ДНК-экспертыза пацьвердзіла толькі тое, што параўноўваемы матар'ял не належаў людзям, якія былі б у сваяцтве адно да аднаго. А пытаньне ідэнтыфікацыі засталося ня вырашаным... ДНК-экспертыза не дала іншых вынікаў, адпаведна ДНК-экспертызы нельга быць упэўненым, што ў Вільні знайшлі пахаваньне Кастуся. Пытаньне застаецца адкрытым.

3) Ліетувіскі навуковец ня мае ніякіх падставаў рабіць закіды беларускім калегам.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31