Даслаць навіну
Знайсці
18.11.2019 / 22:22 48

Вядучы АНТ Ігар Тур: Яўген Афнагель — хто гэта?

Тэлеканал АНТ выпусціў сюжэт, у якім раскрытыкаваў актывіста «Еўрапейскай Беларусі» Яўгена Афнагеля і тэлеканал «Еўраньюс» за асвятленне ім выбарчай кампаніі ў Беларусі.

Павялічыць выяву

Вядучы АНТ Ігар Тур.

Вядучы АНТ Ігар Тур кажа:

«Гляджу — цікава ж. Па тэксце: «прадстаўнікі апазіцыі не прайшлі ў беларускі парламент па выніках выбараў». Не прайшлі, усё дакладна. «Усе 110 дэпутацкіх мандатаў размеркавалі паміж сабой праўрадавыя партыі і рухі». Пачынаю ўжо трохі ўсміхацца. Сяргей Румас, кіраўнік урада, напэўна, здзівіўся, што ў яго ёсць «праўрадавыя партыі». Алег Гайдукевіч, вы праўрадавы, ці што? «Праўладныя рухі» — гэта наогул нават слаба «гугліцца», — разважае супрацоўнік АНТ.

«Калі АБСЕ не прызнае выбары, гэта зразумела, а што за сілы?» Улады бачаць незадаволенасць у грамадстве і баяцца прапусціць апазіцыю ў парламент» — адважная заява. Але ад каго? Каардынатар руху «Еўрапейская Беларусь» Яўген Афнагель… Хто гэта?» — задаецца пытаннем Ігар Тур.

Далей ён абураецца «Еўрапейскай Беларуссю»:

«Вы лічыце, што беларусы не любяць Лукашэнку. Нейкія — можа быць, ваш рух — ну, хутчэй за ўсё. Але вы кажаце за ўсіх беларусаў. Так сабе ідэя. Гэта як калі я і мае тэлеаператары будзем лічыць, што вы — агент Крамля, але ў сюжэце на АНТ скажам «беларусы лічаць Афнагеля агентам Крамля», — спрабуе іранізаваць супрацоўнік АНТ.

Ён падкрэсліў, што для падобных заяў ад імя ўсіх беларусаў трэба праводзіць сацапытанне з добрай выбаркай і колькасцю ўдзельнікаў.

Тур заявіў, што прадстаўнікі «Еўрапейскай Беларусі» не моцна імкнуліся ўдзельнічаць у выбарах.

«Быццам жа вашы актывісты (таксама дзіўнае слова) спалілі пасведчанні кандыдатаў у дэпутаты. Сабралі 1000 подпісаў, былі зарэгістраваныя, самі знялі свае кандыдатуры і спалілі пасведчанні. А потым ваш каардынатар даў інтэрв'ю «Еўраньюс», у якім скардзіцца, што апазіцыю не пусцілі. Навошта вы гэта робіце? Ідэя! Вось калі ўявіць, што гэта — стратэгія па разводзе спонсараў на грошы (маўляў, вось мы тут утрох нашым рухам амаль зрынулі Лукашэнка, яшчэ б нам грошай). І калі гэты развод спрацуе — будзе вельмі крута! Можна яшчэ гадок не працаваць», — кажа вядучы АНТ.

«Вы прайгралі, таму што і не змагаліся. І ўчарашняе паражэнне было часткай вашай выйгрышнай стратэгіі, хутчэй за ўсё, каб зарабіць бабкі. І вы самі гэта добра разумееце», — дадаў Тур.

У заключэнне ён адзначыў, што і сам тэлеканал «Еўраньюс» паступіў не зусім прафесійна: «А дзе альтэрнатыўнае меркаванне? Дзе статусны спікер? Хоць бы з больш статутных апазіцыйных партый Беларусі? А не «рухаў»…».

NN.by

3
меркаванне / адказаць
19.11.2019 / 23:46
Антон Астаповіч, а праўда, што ты лукашыст, заадно з рэжымам? І дрэнна помнікі і мемарыялы абараняеш? 
2
Таки вот / адказаць
19.11.2019 / 23:55
Антон Астаповіч, Обыкновенный грантосос. Многолетний. 
0
Грэта / адказаць
20.11.2019 / 09:25
Цікава, а не звязан гэты малады тур з тым турам, што ўжо некалькі гадоў настойліва знішчае вайсковыя могілкі?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31