Даслаць навіну
Знайсці
17.11.2019 / 13:42 76

«Адкруцім галовы і павыкручваем рукі». Лукашэнка пра «інцыдэнты» з назіральнікамі і кіраўніцамі выбаркамаў

Павялічыць выяву

«Я сказаў спецслужбам і міліцыі, каб яны цвёрда спынялі падобныя выпадкі. Жорстка — гэта значыць, калі нейкі мудак або прыдурак пачынае кідацца на выбаршчыкаў, сказаць, што яму ўставілі мазгі так, каб больш гэтага не хацелася», — эмацыйна выказаўся Лукашэнка пасля галасавання на парламенцкіх выбарах на ўчастку № 506 у Мінску, піша Tut.by

Лукашэнка кажа пра сітуацыю ў Брэсце на ўчастку галасавання № 37, дзе назіральнік ад кампаніі «Права выбару» Юрый Вашчанчук зняў на відэа Анастасію Кулічкову, якая, на яго думку, спрабавала ўкінуць у скрыню для датэрміновага галасавання стос бюлетэняў. У яе потым, па словах старшыні камісіі, здарыўся нервовы зрыў.

— …Вы разумееце, пра што я кажу? Вы ведаеце, як гэта ўмеюць міліцыянты рабіць. Я тут сам вінаваты, што раней іх стрымліваў, маўляў, давайце спакойна, давайце па-людску… Вось сядзяць сябры камісіі, у чым яны вінаватыя? Яны працуюць, іх папрасілі, яны ж нават грошай не атрымліваюць… А вы іх пачынаеце трэціраваць.

Лукашэнка кажа пра выпадак у Магілёве, пра які ўчора пісалі беларускія СМІ: там невядомыя даведаліся хатні адрас старшыні ўчастковай выбарчай камісіі № 32 Марыны Зубарэнка і расклеілі ўлёткі на кожным з пад'ездаў шматпавярховіка. У іх было напісана, што на ўчастку ўжо выбралі дэпутата і ўсё дзякуючы старшыні. Там жа быў надрукаваны хатні адрас і патрабаванне заклікаць старшыні да адказнасці.

— Мне прасцей. На мяне брудам льюць, я сяджу ў лесе за плотам. А яна [Марына Зубарэнка] ходзіць па вуліцах. Жанчына, а на яе пальцам тыкаюць, у яе дзеці, сям'я, муж. Як жа ёй? Чаму яна, робячы добрую справу, павінна гэта трываць?.. Адкруціце галовы і павыкручвайце рукі тым, хто будзе сябе падобным чынам.

Лукашэнка паведаміў, што яму вядома 6 выпадкаў правакацый падчас кампаніі і выбараў:

— У нас яны задакументаваныя, і мы з гэтымі людзьмі разбярэмся па законе. Я проста цяпер прашу людзей не ствараць праблем. Трэба пацярпець. Правядзём выбары і разбярэмся. Я аддаў распараджэнне міліцыі і спецслужбам спыняць жорстка такія рэчы. Члены камісій ад мяне атрымаюць жалезную абарону. Я вельмі хутка магу заклікаць да адказу, вы ведаеце мяне не першы год.

«Гэта рэпетыцыя галоўных выбараў», — лічыць ён. — «Яны [правакатары] мацаюць, спрабуюць на зуб — на плошчах і участках. Яны ціснуць на нашых людзей [членаў выбарчых камісій] — а гэта простыя дактары, настаўнікі, інжынеры … Мы сваю краіну нікому не аддамо. Гэта наша краіна. Мы яе будзем абараняць і нашых людзей як мае быць — па законе».

NN.by

0
Железный Дровосек / адказаць
18.11.2019 / 13:40
Вот смотрите:дожил до седин и стал дряхлым стариком,а как был—так и остался инфантилом,с соответствующим безответственным словопоносом.Вообще,удивляет его постоянная попытка ни за что не отвечать—ни за действия,ни за слова.Но так не бывает,шурик.Всему своё время.
0
Ёпрст / адказаць
18.11.2019 / 15:42
Перакладаю на расейскую - "замочим в сортире"
0
Чебаркуль / адказаць
18.11.2019 / 22:42
Где Захаренко, Гончар, Завадский, Красовский? Доживай и дрожи. .................исчадие ада...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31