Ярмошына раіла ўсё ж надрукаваць праграму кандыдата ад АГП, а яго проста знялі з выбараў

Кандыдата ад АГП Аляксандра Комара ўрэшце знялі з выбараў. Ён балатаваўся Бабруйскай-Ленінскай акрузе №78.

У рашэнні акружной камісіі прыводзяцца, сярод іншага, такія аргументы:

• Давераная асоба Комара спрабавала праверыць апячатванне выбарчай урны.
• Сам Комар называў членаў камісіі фальсіфікатарамі выбараў.
• Давераныя асобы Комара патрабавалі пратакол аб пазбаўленні акрэдытацыі назіральніка.
• Давераная асоба Комара пагражала старшыні камісіі крымінальнай адказнасцю.

Цікава, што некалькі дзён таму за бабруйскага кандыдата АГП уступілася Лідзія Ярмошына. Яна параіла мясцовай прэсе ўсё ж апублікаваць праграму Комара, якая не прайшла цэнзуру праз выраз «З Лукашэнкай няма будучыні». Праграму апублікавалі, але без забароненых словаў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0