Даслаць навіну
Знайсці
16.11.2019 / 12:16

Пракуратура — рэктару МІУ: Яшчэ адзін пікет студэнтаў, і будзе адміністратыўная адказнасць

У пятніцу, 15 лістапада, рэктара Мінскага інавацыйнага універсітэта, дзе страйкавалі студэнты, выклікалі ў пракуратуру. Мікалаю Сушу ўручылі афіцыйнае папярэджанне аб недапушчальнасці парушэнняў патрабаванняў заканадаўства аб масавых мерапрыемствах, піша Tut.by.

Павялічыць

Фота: Дзмітрый Брушко, TUT.BY

Супрацоўнікі пракуратуры, распавядае Мікалай Суша, хацелі з першых вуснаў даведацца, што адбываецца ў ВНУ.

«Акрамя мяне, у пракуратуру выклікалі начальніка аддзела па выхаваўчай рабоце, а таксама студэнтку, якая з'яўляецца сакратаром БРСМ універсітэта, — кажа рэктар. — Сустрэча прайшла вельмі культурна і паважліва. Мне сказалі, што пракуратура запатрабавала ўсе дакументы па нашай акрэдытацыі. Цяпер спецыялісты будуць іх вывучаць».

На сустрэчы кіраўніку МІУ ўручылі папярэджанне аб недапушчальнасці парушэнняў патрабаванняў заканадаўства аб масавых мерапрыемствах. У дакуменце сказана: у арганізацыі і правядзенні масавага мерапрыемства ў будынку МІУ пракуратура горада Мінска выявіла парушэнні патрабаванняў Закона «Аб масавых мерапрыемствах». Масавыя мерапрыемствы, напісана ў папярэджанні, могуць праводзіцца толькі з дазволу Мінгарвыканкама.

Акрамя таго, па дадзеных пракуратуры, падчас «пікетавання» Мікалай Суша не толькі не прыняў «мер да спынення несанкцыянаванага масавага мерапрыемства, але і з'яўляўся яго удзельнікам».

Рэктара папярэдзілі: калі «аналагічныя парушэнні паўтарацца», кіраўніка ВНУ могуць прыцягнуць да адміністрацыйнай адказнасці па арт. 23.34 КаАП РБ (Парушэнне парадку арганізацыі або правядзення масавых мерапрыемстваў).

Кацярына Панцялеева, Tut.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30