За забойства ўласнага ката жыхар Вілейкі атрымаў год выпраўленчых работ

15 лістапада суд Вілейскага раёна вынес прысуд мужчыну, які ўлетку забіў свайго ката на людзях. Пра гэта паведамляе Tut.by са спасылкай на прэс-службу суда.

24 ліпеня ў Вілейцы на вуліцы Гарадзішчанскай жанчына ўбачыла, як мужчына б'е ката аб бардзюр. Труп жывёлы пазней знайшлі ў сметніцы. Падазраваны — 30-гадовы мясцовы жыхар, ўладальнік гадаванца. Як паказана ў прыгаворы суда, мужчына ў той дзень быў нецвярозы.

Мужчыну судзілі па арт. 339-1 Крымінальнага кодэкса за жорсткае абыходжанне з жывёлай, што пацягнула смерць, і прысудзілі да года выпраўленчых работ. А з заробку па асноўным месцы працы ў яго будуць утрымліваць 15% у даход дзяржавы (не менш за адну базавую велічыню штомесяц). Прысуд яшчэ не ўступіў у сілу і можа быць абскарджаны.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0