Даслаць навіну
Знайсці
14.11.2019 / 18:53 12

«Магла перагнуць палку», — дырэктар магілёўскага каледжа пра заклік куратаркі прагаласаваць датэрмінова

Павялічыць выяву

Будынак мэдычнага каледжа ў Магілёве.

Дырэктар Магілёўскага дзяржаўнага мэдычнага каледжа паабяцаў «разабрацца» з куратаркай, якая «прасіла» навучэнцаў прагаласаваць датэрмінова. Па ягоных словах, яна «магла перагнуць палку» і «зь ёю будзе праведзеная тлумачальная работа», піша Радыё Свабода.

Павялічыць выяву

Паведамленьне пра прымус галасаваць датэрмінова даслалі Свабодзе навучэнцы каледжу. У ім яны працытавалі куратарку: «Усе, каму ёсьць 18 гадоў, ідуць галасаваць на выбары датэрмінова ў абавязковым парадку, калі хтосьці ня прыйдзе, будуць праблемы ў яго і ў куратара». Навучэнцы дадалі, што ўсіх, хто пражывае ў інтэрнаце, ужо «загналі галасаваць».

У пацьверджаньне сваіх слоў яны разам з допісам даслалі скрын паведамленьня куратаркі з суполкі «Ўкантакце». Там яна просіць навучэнцаў прагаласаваць датэрмінова, каб у яе не было праблемаў на выходных.

Дырэктар навучальнай установы Ўладзімер Рыжкоў заявіў, што інфармацыя пра прымушэньне навучэнцаў галасаваць датэрмінова непраўдзівая. Ён настойвае: нікога не прымушаюць, усе ідуць галасаваць па жаданьні.

Павялічыць выяву

«Вядома ж, інфармацыя пра выбары, аб парадку галасаваньня, аб мэтах, задачах і наагул сыстэме дзяржаўнага кіраваньня павінна даводзіцца навучэнцам — гэта адназначна, — кажа кіраўнік навучальнай установы. — Куратар тут магла перагнуць палку ў нейкай ступені. Будзем праводзіць тлумачальную работу».

У гутарцы з карэспандэнтам Свабоды навучэнцы каля самага каледжу казалі, што ім «раілі і прапаноўвалі прагаласаваць датэрмінова» і «яны не маглі дазволіць сабе не паслухацца».

«Ня ведаю, што было б, каб я не пайшла галасаваць, — адказвае адна зь іх, — але, схадзіўшы, магу вучыцца спакойна далей і ня думаць пра кепскае».

Радыё Свабода

3
Ядвига / адказаць
15.11.2019 / 10:20
Преподаватель не при чем. Она выполняла,то что ей сказали сверху. Значит все вопросы,должны быть к директору. Какой документ нужно создать,что бы защитить преподавателя?
3
Ядвига / адказаць
15.11.2019 / 10:23
Преподаватель не при чем. Она просто выполняла то,что ей сказали выше. Какой документ составить,что бы преподаватель остался на своём рабочем месте?
0
меркаванне / адказаць
15.11.2019 / 13:08
Ядвига, а як абараніць студэнтаў ад такога препадавацеля і інш. цябе не цікавіць? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31