Даслаць навіну
Знайсці
12.11.2019 / 15:18 5

Блізкасць падыходаў і праекты на мільярд — Лукашэнка заявіў пра намер паглыбіць адносіны з Аўстрыяй

Павялічыць выяву

Аляксандр Лукашэнка 12 лістапада ў Вене правёў афіцыйныя перамовы з федэральным прэзідэнтам Аўстрыі Аляксандрам Ван дэр Беленам. Сустрэча прайшла ў вузкім і пашыраным фарматах. Пра яе вынікі кіраўнік беларускай дзяржавы разам са сваім аўстрыйскім калегам распавёў прадстаўнікам СМІ, піша БелТА

Лукашэнка падзякаваў Аляксандру Ван дэр Бэлену за цёплы прыём і адкрытую, змястоўную размову. «Аўстрыя — найважнейшы і надзейны партнёр Беларусі ў нашай агульнай Еўропе. Мы надаём вялікае значэнне развіццю ўзаемавыгаднага супрацоўніцтва і ў поўнай меры задаволены пазітыўнай дынамікай беларуска-аўстрыйскіх адносін», — заявіў Аляксандр Лукашэнка.

Паводле слоў беларускага кіраўніка, перамовы зноў прадэманстравалі, што падыходы краін па асноўных праблемах досыць блізкія. «Нам цікавы аўстрыйскі вопыт у многіх сферах, які цалкам можа быць выкарыстаны і ў дачыненні ў Беларусі», — сказаў ён.

Беларускі бок высока цэніць намаганні Вены, накіраваныя на навядзенне мастоў паміж асноўнымі геапалітычнымі цэнтрамі, зніжэнне напружанасці ў Еўропе і свеце. Мінск ставіць такія ж мэты ў сваёй знешнепалітычнай дзейнасці. «Канстатуем, што разам здольныя ўнесці важкі ўклад у аднаўленне стабільнасці і ўмацаванне міжнароднай бяспекі. Беларусь будзе ўдзячна аўстрыйскаму кіраўніцтву за падтрымку нашых ініцыятыў у гэтым кірунку», — заявіў Аляксандр Лукашэнка.

Аляксандр Лукашэнка адзначыў падтрымку Аўстрыяй намаганняў беларускага боку па развіцці адносін з Еўрасаюзам, які з'яўляецца для Беларусі другім па значнасці гандлёвым партнёрам.

«А ў апошні час, у тым ліку дзякуючы актыўнай працы аўстрыйскага старшынства ў 2018 годзе, ЕС становіцца для нас таксама важкім палітычным і інвестыцыйным партнёрам. Толькі за апошнія два гады аб'ём фінансавай падтрымкі Еўрапейскім інвестыцыйным банкам і Еўрапейскім банкам рэканструкцыі і развіцця праектаў у беларускім дзяржсектары дасягнуў 700 млн еўра», - сказаў ён.

Беларусь актыўна працуе з ЕС у рамках шматлікіх праграм у сферах экалогіі, энергаэфектыўнасці, ўладкавання межаў, рэгулявання міграцыі, падтрымкі дзяржкіравання. «У гэтым годзе Беларусь з Еўрасаюзам зацвердзілі праекты пагадненняў па спрашчэнні выдачы віз і аб рэадмісіі. Спадзяемся падпісаць іх у найбліжэйшы час», — заявіў кіраўнік дзяржавы.

NN.by

0
Зiма / адказаць
12.11.2019 / 20:59
Самыя глыбокiя адносiны з аустрыяй у нас былi у 1941- 1944 годзе. Пад кiраунiцтвам аднаго аустрыйца.
0
Черная Русь / адказаць
12.11.2019 / 21:43
Беларусь активно работает с ЕС в рамках многочисленных программ и на деньги ЕС
https://nn.by/?c=ar&i=240879&lang=ru

0
Эхо / адказаць
12.11.2019 / 22:54
Понятно зачем всё это нужно беларусскому  деятелю, но вот зачем вступать в это.. Австрии...?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31