У Мінску мужчына пырснуў дзвюм жанчынам у твар балончыкам, а ў трэцяй забраў тэлефон
Інцыдэнт адбыўся ў мікрараёне «Малінаўка». На гарачую лінію 102 звярнулася жанчына і паведаміла, што да яе падышоў невядомы мужчына, пацікавіўся, якая гадзіна, а пасля распыліў слезацечны газ і збег. Праваахоўнікі неадкладна выехалі на месца здарэння. Аператыўнікі таксама высветлілі, што па шляху руху фігурант сустрэў яшчэ дзвюх жанчын, у твар адной ён таксама распыліў балончык, а ў другой выхапіў з рук мабільны тэлефон.
Па гарачых слядах яго затрымалі. Ім аказаўся 42-гадовы беспрацоўны мінчук. Ён быў у стане алкагольнага ап'янення.
У яго быў знойдзены і канфіскаваны той самы мабільны тэлефон. Праваахоўнікам мужчына растлумачыў, што пацярпелая сама выкінула сотавы, а ён падняў яго.
Вядома, што мужчына раней прыцягваўся да крымінальнай адказнасці за забойства, паведамляе сталічная міліцыя.