У Балівіі пратэстоўцы захапілі рэдакцыі дзяржаўных СМІ, войска не збіраецца ўмешвацца
Пратэстуючы супраць вынікаў выбараў і пераабрання прэзідэнта Эва Маралеса на новы тэрмін, прадстаўнікі апазіцыі захапілі рэдакцыі тэлеканала Bolivia TV і радыёстанцыі Red Patria Nueva, перапыніўшы іх працу.
Пра гэта ў Twitter паведаміў прэзідэнт краіны Эва Маралес
Los medios estatales BTV y RPN han sido intervenidos por grupos organizados que después de amenazar y amedrentar a los periodistas los obligaron a abandonar sus fuentes de trabajo. Dicen defender la democracia, pero actúan como en dictadura.
Кіраўнік дзяржавы звінаваціў апазіцыю ў дзеяннях з пазіцыі дыктатуры.
Прэзідэнцкія выбары прайшлі ў Балівіі 20 кастрычніка. Паводле інфармацыі, якую апублікаваў Вышэйшы выбарчы суд, перамог дзейны кіраўнік дзяржавы Эва Маралес. Яго асноўны супернік — экс-прэзідэнт Карлас Меса — заявіў, што не прызнае перамогу Маралеса ў першым туры. Пасля абвяшчэння вынікаў выбараў у Балівіі пачаліся пратэсты і забастоўкі. Маралес абвясціў рэжым надзвычайнага становішча і абвінаваціў апазіцыю ў спробе арганізаваць дзяржаўны пераварот.
Галоўнакамандуючы ўзброенымі сіламі краіны заявіў у суботу, што войска не будзе ўдзельнічаць у здушэнні пратэстаў супраць пераабрання Эва Маралеса на новы тэрмін.
