Даслаць навіну
Знайсці
09.11.2019 / 17:45 11

Пад Бабруйскам за народныя грошы паставілі помнік Алесю Адамовічу. Яго дачка на адкрыцці плакала ФОТА

Павялічыць выяву

Наталля Адамовіч са скульптарам Гэнікам Лойкам ля бюста Алеся Адамовіча.

Бюст Алеся Адамовіча (1927—1994) паўстаў ля дома культуры ў пасёлку Глуша, дзе Адамовіч вырас і дзе ён пахаваны, паведамляе Svaboda.org. Помнік каштаваў 13 тысяч рублёў, якія былі сабраныя па ініцыятыве жыхара Бабруйска Андрэя Архіпенкі. Яго аўтары — скульптары Гэнік Лойка і Яўген Білей.

9 лістапада ў Глушу, што за 20 кіламетраў ад Бабруйска, сабраліся родныя і землякі Адамовіча, а таксама людзі з Бабруйска, Магілёва, Мінска, кіраўнікі Бабруйскага райвыканкама.

Дачка пісьменніка Наталля Адамовіч каля бюста расплакалася.

Павялічыць выяву

Старшыня Глушанскага сельсавета Марыя Сушчанка, Наталля Адамовіч плача, а справа — ініцыятар усталявання бюста Андрэй Архіпенка.

«Гэта заслуга моладзі, якая сабрала грошы і дамаглася ўсталявання помніка, — кажа Наталля Адамовіч. — Я дапамагала парадамі і фотаздымкамі. Я рада, што ёсць у нас такая моладзь. Можа з ёй і да адкрыцця музея дойдзем. Сёлета 25 гадоў як няма майго таты і так выйшла, што ў гэты год з'явіўся ў ягонай роднай Глушы ягоны бюст».

Андрусь Архіпенка адзначае, што ажыццявіць задуманае без падтрымкі Глушанскага сельскага савета не ўдалося б.

Начальнік аддзела ідэалагічнай працы Бабруйскага райвыканкама Галіна Чарнова лічыць, што лепшага месца для бюста Адамовіча, чым пляцоўка ля Дома культуры, у пасёлку няма. «Я шчаслівая, што стаіць гэты бюст», — сказала яна.

Па словах Галіны Чарновай пытанне пра стварэнне музея застаецца актуальнае, але на дабрачынным рахунку, адкрытым у 2016 годзе, сабрана замала грошай, каб адрамантаваць аварыйны будынак. Паводле чыноўніцы, цяпер прапрацоўваецца варыянт размяшчэньня ў Доме культуры экспазіцыі пра жыццё і творчасць Алеся Адамовіча.

На рамонт старой аптэкі, дзе мяркуецца размясціць музей Адамовіча, 5000 даляраў ахвяравала Нобелеўская лаўрэатка Святлана Алексіевіч. Але гэта толькі дзясятая частка патрэбных на рамонт сродкаў. У той аптэцы працавала маці Алеся Адамовіча. Хата ж, дзе Адамовіч нарадзіўся, згарэла ў вайну.

Старшыня Глушанскага сельскага савета Марыя Сушчанка называе бюст Адамовіча «народным помнікам». 

Павялічыць выяву

Паводле svaboda.org

1
www / адказаць
10.11.2019 / 09:12
Mar, Згодзен. Грошы ёсць на ўсяку бздуру, але не на годныя справы.
0
Лявон Баршчэўскі / адказаць
10.11.2019 / 10:59
Mar,

ну, безумоўна, гэтая ўлада пры слове "пісьменьнік" хапаецца за пісталеты. 
0
Прохожий / адказаць
10.11.2019 / 22:48
І толькі я не ўбачыў, што робіць улада для ушанавання памяці народнага паэта??????? Ганьба маскоўскай акупацыйнай уладзе!!!!!!!!!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30