Даслаць навіну
Знайсці
09.11.2019 / 10:01 6

Прэстыжную прэмію імя Ядкоўскага атрымаў гісторык Мечыслаў Супрон

8 лістапада ў Цэнтры гарадскога жыцця назвалі найлепшага краязнаўцу Гродна 2019 года. Узнагароду імя Юзафа Ядкоўскага атрымаў гісторык Мечыслаў Супрон, піша hrodna.life.

Павялічыць выяву

Сёлета гродзенскія гісторыкі і краязнаўцы вызначылі трох кандыдатаў на Прэмію Ядкоўскага. Гэта былі бібліёграфка Любоў Турмасава, гісторык Мечыслаў Супрон і журналіст Hrodna.life Руслан Кулевіч. Большасць галасоў рада прэміі аддала за гісторыка Мечыслава Супрона.

Мечыслаў Супрон апошнія гады актыўна змагаецца за захаванне гісторыка-культурнай спадчыны Гродна. На аснове здабытых ім матэрыялаў ён распрацаваў праект забудовы часткі вуліцы Замкавай з Домам Рыбака, пераканаў забудоўшчыкаў у неабходнасці маштабных раскопак у гэтым месцы і адбудове раёна максімальна блізка да гістарычнага выгляду.

Мечыслаў Супрон некалькі разоў звяртаўся ў пракуратуру па іншых пытаннях, дамогся раскопак на вуліцы Вялікая Траецкая за сінагогай. Разам з даследчыкам Шчукіным ён зрабіў шэраг навуковых 3D-рэканструкцый страчаных і захаваных гродзенскіх будынкаў. Таксама Мечыслаў Супрон змагаецца за аўтэнтычнасць рэканструкцыі Старога замка ў Гродне, якая ўжо падыходзіць да другой чаргі.

Павялічыць выяву

— Я задаволены, што атрымаў гэтую ўзнагароду. У некаторым сэнсе для мяне яна нечаканая. Неяк апошнім часам слаба сачу за падзеямі ў культурнай сферы горада, бо маю шмат іншай працы. Таму быў уражаны, што мяне абралі. А так я думаў, што прэмію атрымае Руслан Кулевіч, які цягам апошняга года назбіраў шмат гісторый пра Гродна. Але калі самыя аўтарытэтныя людзі так вырашылі, значыць заслужаная перамога. Мне здаецца, яна за папулярызацыю гісторыка-архітэктурнай спадчыны і абарону старых будынкаў у Гродне, — распавёў Мечыслаў Супрон.

Прэмія імя Юзафа Ядкоўскага заснаваная ў 2012 годзе гродзенскімі гісторыкамі. Штогод яе ўручаюць тым, хто зрабіў значны ўнёсак у вывучэнне або папулярызацыю гісторыі Гродна а таксама паспрыяў захаванню прыроднай і гісторыка-культурнай самабытнасці Гродна і рэгіёна. У розны час прэмію атрымлівалі вядомыя гісторыкі і краязнаўцы: Андрэй Вашкевіч, Алесь Госцеў, Таццяна Касатая, Віктар Саяпін, Фёдар Ігнатовіч, Таццяна Еўдакімава, Наталля Канюк, Ігар Лапеха.

hrodna.life

11
Матёрый / адказаць
09.11.2019 / 15:52
Оскар, Вялый, Грэмми, Нобель, Золотой глобус. Сколько развелось. А смысл?!
1
Ян Севярын Бакей / адказаць
09.11.2019 / 16:25
Думаю, Мечыслаў Супрон родам зь Бярозаўкі і закончыў нашу агульную другую школу... калі так, то ўдвая рады за земляка.
1
Лявон Баршчэўскі / адказаць
09.11.2019 / 21:54
Кабачок,

а каму вядомы суб'ект пад клікухай "Кабачок"? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30