Даслаць навіну
Знайсці
07.11.2019 / 21:10 12

Улады Кітая склалі новы маральны кодэкс грамадзян краіны

Улады Кітаю склалі новы маральны кодэкс грамадзян краіны. Ён заснаваны на прынцыпах нацыяналізму, марксізму і канфуцыянства. Новыя правілы ахопліваюць абсалютна ўсе галіны жыцьця: ад сартаваньня сьмецьця да паводзінаў у інтэрнэце і за мяжой, піша «Радыё Свабода».

Павялічыць выяву

Дакумэнт называецца «Плян укараненьня ў жыцьцё маральных прынцыпаў грамадзян у новай эры» і мае некалькі дзясяткаў старонак. У ім падкрэсьліваецца асабістая роля кіраўніка краіны Сі Цьзіньпіна ў фармаваньні кітайскага маральнага кодэксу.

Назіральнікі зьвяртаюць увагу, што ў тэксьце ня згадваецца ніводзін з папярэднікаў кітайскага лідэра, нават сам Мао Цзэдун. Назіральнікі лічаць, што Сі Цьзіньпін імкнецца ўвесьці ў краіне культ асобы. Пры ім у Кітаі наступіла большая кансалідацыя вакол партыі.

Экспэрты мяркуюць, што націск на ідэалёгію зьвязаны найперш з эканамічнай каньюнктурай у Кітаі. А яна пагаршаецца. У трэцім квартале гадавы рост ВУП зьменшыўся да 6%. Гэта наступства гандлёвай вайны паміж Пэкінам і Вашынгтонам. У гэтай сытуацыі ўлады хочуць кансалідаваць уладу і грамадзян.

Камунізм з кітайскімі рысамі

Падобны дакумэнт быў апублікаваны ў 2001 годзе. У новым гаворыцца, што за гэты час у кітайцаў значна палепшыліся нацыянальная ўпэўненасьць у сабе і гонар, а таксама маральныя стандарты. Але ў сувязі зь міжнароднай сытуацыяй і кепскім уплывам Інтэрнэту, «мараль пакутуе ад культурнай эрозіі».

У дакумэнце падкрэсьліваецца, што сацыялізм з кітайскімі характарыстыкамі ўступіў у новую эру, а Кампартыя прасоўвае традыцыйныя каштоўнасьці Кітаю, стварае і фармуе сацыялістычную маральную сыстэму.

— Пакланеньне грошам, геданізм і крайні індывідуалізм па-ранейшаму прыкметныя. Некаторыя чальцы грамадзтва нават ня маюць маральных каштоўнасьцяў, — гаворыцца ў дакумэнце. Таму Сі Цьзіньпін прапануе «вялікую барацьбу для пабудовы кітайскага духу». Мы прачыталі дакумэнт цалкам і прыводзім некаторыя вытрымкі.

Кітайцаў заклікаюць

  • бараніць марксісцкую і камуністычную мараль
  • быць ляяльнымі і адданымі
  • трымацца правільнай грамадзкай думкі
  • любіць Радзіму, працу, навуку
  • быць ветлівымі і дапамагаць людзям
  • дапамагаць бедным і старым
  • бараніць грамадзкую ўласнасьць
  • трымацца сямейных каштоўнасьцяў і роўнасьці паміж мужчынамі і жанчынамі, мужамі і жонкамі

Дбаць пра культуру

  • паглыбляць прапаганду сацыялізму з кітайскімі рысамі
  • ставіцца з павагай і гонарам да традыцыйнай кітайскай культуры
  • імкнуцца да адзінай ідэалягічнай канцэпцыі
  • прапагандаваць сацыялізм і мараль празь літаратуру і мастацтва
  • пашыраць музычныя творы пра Радзіму, герояў, працу
  • супрацьстаяць кічу і вульгарнасьці
  • разглядаць сацыялістычную этыку як крытэр ацэнкі і ўзнагародаў твораў мастацтва

Задачы для ўлады 

  • выкарыстоўваць школы і ВНУ для ажыцьцяўленьня палітыкі партыі
  • інфармаваць грамадзтва пра высокамаральныя і немаральныя паводзіны грамадзян
  • рэклямаваць пасьпяховых фігур, якія маюць стаць узорам для іншых
  • своечасова крытыкаваць і абвяргаць словы, якія парушаюць мараль
  • СМІ і бізнэс павінны клапаціцца аб маральнай самадысцыплінеоўваць там цывілізаваныя звычаі

У замежжы і з замежнікамі

  • паводзіць сябе цывілізавана падчас падарожжаў, цывілізавана есьці і паводзіць сябе адпаведна ў транспарце
  • дбаць пра прыгожыя месцы, мэдычныя ўстановы, спартыўныя пляцоўкі
  • правільна апранацца
  • дэманстраваць за мяжой цывілізаваныя якасьці, паважаць мясцовыя законы
  • на мерапрыемствах з удзелам замежнікаў быць адкрытымі, цярпімымі, пазытыўнымі і ўпэўненымі ў сабе

У сябе

  • давяраць судовым органам
  • адмаўляцца ад раскошы
  • праводзіць «Месяцы сумленнасьці», каб людзі маглі паведамляць пра нядобрасумленныя паводзіны іншых
  • займацца валянтэрствам
  • адраджаць вёску і выхоўваць там цывілізаваныя звычаі
  • змагацца з кепскімі звычкамі, забабонамі, дэкадэнцкай культурай і незаконнымі рэлігійнымі сіламі
  • жыць паводле экалягічнай маралі: паважаць прыроду, падзяляць сьмецьце, весьці нізкавугляродны лад жыцьця
  • правіла «Я за ўсіх, усе за мяне» павінна стаць звыклай практыкай

У інтэрнэце

  • разьвіваць пазытыўную онлайн-культуру
  • выкарыстоўваць інтэрнэт для разьвіцьця карыснай літаратуры, музыкі, выступаў, фільмаў, гульняў і г. д
  • умацаваць правільныя паводзіны пры гарачых і надзвычайных сытуацыях у сеціве
  • ператвараць правільную маральную арыентацыю ў мэйнстрым кібэрпрасторы
  • змагацца са шкоднай інфармацый у інтэрнэце
  • рацыянальна выкладаць свае думкі ў інтэрнэце
  • пазьбягаць кепскіх сайтаў

Паводле новага маральнага кодэксу, кітайцы павінны атрымліваць у спадчыну «чырвоны ген». Для прапаганды «нацыянальнага этыкету» рэкамэндуецца выкарыстоўваць СМІ, дошкі аб’яваў, экраны манітораў і рэклямныя шчыты. Увядзеньнем усіх правілаў мае займацца партыя і ўсе дзяржаўныя структуры.

Дзьмітры Гурневіч, Радыё Свабода

5
0.5 / адказаць
08.11.2019 / 12:06
Нормальный кодекс. Особенно где о китайском национализме. Беларуским националистом быть преступление. Китайским- почёт. Где Беларусь. где Китай? У нас численность населения достигла уровня довоенного. Молодёжь бежит из страны. Пенсии отменят лет через десять совсем. В то время, как в Китае планируют мужчин отправлять на пенсию в 55, женщин в 50. Китайская цивилизация несокрушима, в то время как будущее нашей страны зависит от одного человека, при попустительстве остальных.
0
меркаванне / адказаць
08.11.2019 / 12:13
Цетка Алена, і чаму гэта Ганконг не зацаніў "фактычна вельмі разнастайнасць", а бушуе? Галоўны камуняка лічыць, што нешта лепшае зладзіць, але па камуняцкай звычцы трэба для гэтага лепшага народ перарабіць на свой капыл. 
2
Цетка Алена / адказаць
08.11.2019 / 14:05
меркаванне, таму што Ганконг i наувогуле ад iх адрозны. Здаецца , што iм добра у статусе яшчэ аднаго Сiнгапура , а быць часткай iмперыi , няхай сабе i паспяховай не падабаецца.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30