Даслаць навіну
Знайсці
06.11.2019 / 11:05

На першы ў Беларусі венскі баль прададуць 250 білетаў

З 6 лістапада білеты на «Венскі баль з А1 у Купалаўскім» у продажы. Купіць іх можа кожны ахвотны, каму ёсць 18 гадоў.

Павялічыць

Нагадаем, што «Венскі баль з А1 у Купалаўскім» адбудзецца 14 снежня ў Нацыянальным акадэмічным тэатры імя Янкі Купалы. Баль задуманы як дабрачынны: 50% атрыманых сродкаў пойдуць на падтрымку грамадскага аб’яднання «SOS-дзіцячыя вёскі Беларусь», што дапамагае сіротам і дзецям, якія засталіся без бацькоўскага клопату, знайсці сям’ю апекуноў, а тым, хто знаходзіцца ў зоне рызыкі сацыяльнага сіроцтва, — пераадолець складаныя жыццёвыя абставіны і захаваць родную сям’ю.

Кошт білета на «Венскі баль з А1 у Купалаўскім» — 250 рублёў. Госці імпрэзы змогуць усю ноч танцаваць на балі пад суправаджэнне Дзяржаўнага акадэмічнага сімфанічнага аркестра Беларусі, паўдзельнічаць у салонных гульнях, паслухаць музычную праграму ў выкананні аркестра Купалаўскага тэатра. Таксама прадугледжаны напоі і фуршэтныя закускі.

Набыць квіткі на «Венскі баль з А1 у Купалаўскім» можна ў касах тэатра, на сайце kupalauski.by, а таксама ва ўсіх білетных аператараў Беларусі. Пры гэтым тыя, хто купіць іх у касе, атрымаюць у дадатак канверт з праграмай вечара. Зрэшты, зрабіць гэта змогуць і ўладальнікі электронных білетаў, калі загадзя звернуцца ў касы Купалаўскага з раздрукаваным экзэмплярам ці непасрэдна на ўваходзе ў тэатр у дзень балю.

На «Венскі баль з А1 у Купалаўскім» гасцей чакаюць у строях, якія адпавядаюць зацверджанаму арганізатарамі дрэс-коду. Для дам гэта вечаровая сукенка да падлогі (але не белая — у белым на балі маюць права прысутнічаць толькі дэбютанты); а для мужчын — Black tie.

Збор гасцей пачнецца ўжо ў 20:00, а ўрачыстая цырымонія адкрыцця «Венскага балю з А1 у Купалаўскім» прызначана на 22:00.

Яшчэ адна магчымасць убачыць падзеі «Венскага балю з А1 у Купалаўскім» на ўласныя вочы — прамая трансляцыя, якая адбудзецца на платформе VOKA.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30