Золатавалютныя рэзервы Беларусі перавысілі 9 мільярдаў даляраў

Міжнародныя рэзервовыя актывы Беларусі па стане на 1 лістапада склалі $9 193,8 млн (у эквіваленце).

За кастрычнік ЗВР выраслі на $362,9 млн (на 4,1%) пасля зніжэння ў верасні на 60,1 млн.

У кастрычніку Урадам і Нацбанкам выканана знешніх і ўнутраных абавязацельстваў у замежнай валюце на суму 225 млн. даляраў ЗША.

Павелічэнню ўзроўню золатавалютных рэзерваў у кастрычніку спрыялі купля замежнай валюты Нацбанкам, паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, паступленне сродкаў ад продажу Міністэрствам фінансаў аблігацый, намініраваных у замежнай валюце, а таксама павелічэнне кошту манетарнага золата.

На 1 студзеня 2020 года павінен скласці не менш за 7,1 млрд. даляраў ЗША.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0