Даслаць навіну
Знайсці
06.11.2019 / 07:41 1

Рабыня аль-Багдадзі расказала пра апошнія месяцы яго жыцця

Апошнія некалькі месяцаў жыцця ліквідаваны ваеннымі ЗША лідэр тэрарыстычнай арганізацыі «Ісламская дзяржава» Абу Бакр аль-Багдадзі баяўся здраднікаў, хаваўся пад зямлёй і часам пераапранаўся ў пастуха. Пра гэта паведамляе Associated Press.

Паводле інфармацыі агенцтва, ён трымаў у рабстве дзяўчынку-падлетка з ліку езідаў — народнасці курдскай этнічнай групы, — якую вызвалілі падчас аперацыі пад кіраўніцтвам ЗША ў маі. Яна распавяла, што верхавод ІД перасоўваўся ў суправаджэнні сямі паплечнікаў, а некалькі месяцаў таму перадаў большую частку сваіх паўнамоцтваў старэйшаму намесніку, імя якога не называецца.

Паводле яе слоў, упершыню аль-Багдадзі спрабаваў збегчы ў сірыйскую правінцыю Ідліб ў канцы 2017 года. Дзяўчынку разам з лідарам ІД, яго жонкай і бліжэйшым атачэннем у калоне з трох аўтамабіляў адправілі ў правінцыю, аднак было вырашана вярнуцца з меркаванняў бяспекі. Падлетак распавяла, што пасля гэтага яна чатыры месяцы знаходзілася ў доме цесця аль-Багдадзі і яго бліжэйшага паплечніка Абу Абдулы аль-Зубайе ў горадзе Дашыша. Паводле яе слоў, лідар ІД часта наведваў яе там і гвалтаваў. Увесну 2018 году дзяўчынку падарылі іншаму мужчыну, які вывез яе з горада, — гэта быў апошні раз, калі яна бачыла аль-Багдадзі. Пазней самаабвешчаны халіф даслаў ёй у падарунак упрыгожванне.

Мяркуецца, што пасля гэтага аль-Багдадзі пераязджаў з месца на месца на ўсходзе Сірыі, быў нервовым і скардзіўся на здраднікаў. Акрамя таго, крыніцы агенцтва распавялі, што лідар ІД пастаянна насіў пояс смяротніка, прымушаў рабіць гэта сваіх паплечнікаў і не карыстаўся мабільным тэлефонам. Пастаянны стрэс пагоршыў дыябет аль-Багдадзі — яму ўвесь час даводзілася сачыць за ўзроўнем цукру ў крыві і прымаць інсулін. З-за гэтага ён не мог выконваць пост у святы для мусульман месяц Рамадан і забараняў пасціцца сваім паплечнікам.

Крыніцы ва ўрадзе ЗША распавялі, што не ведалі, калі аль-Багдадзі прыбыў у Ідліб, аднак адзначылі, што ён выбраў гэтае месца, бо гэта была адзіная тэрыторыя, непадкантрольная сірыйскаму ўраду. 

Прэзідэнт ЗША Дональд Трамп 27 кастрычніка паведаміў аб ліквідацыі Абу Бакр аль-Багдадзі. Паводле яго слоў, у выніку спецаперацыі былі таксама знішчаныя яго памочнікі і значная колькасць баевікоў.

NN.by

0
Железный Дровосек / адказаць
06.11.2019 / 12:12
Marines молодцы!Любой гаденыш должен трепетать за свою никчемную жизнь,если вляпался в терроризм—пусть знает,что его из-под земли отыщут!И это касается всех—в том числе гиркина с безлером,украинцы,это вам на заметку..
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30