Рыта Дакота заспявала свой хіт па-беларуску

Папулярная ў Расіі спявачка беларускага паходжання Рыта Дакота выклала ў Інстаграм відэа, дзе спявае свой хіт «Спички» на беларускай мове і запрашае на канцэрт у Мінску, які адбудзецца 17 снежня ў Prime Hall.

Посмотреть эту публикацию в Instagram
Видео для тех, кто забыл, что вообще-то я бульба)))) Напомню это 17 декабря битком набитым залом любимых белорусов ❤️. К слову, тура по РБ пока не планируется, так что самые преданные наши едут от Бреста до Витебска сами. Ждём своих в столичке, фан-встречу сделаем в этот раз. Билеты в хайлайтах (сохранённые сторис). Как вам «Спички» на мове?)))
Публикация от РИТА DАКОТА (@ritadakota) 5 Ноя 2019 в 1:04 PST

«Любімая Беларусь, любімы Мінск! Я вельмі хутка да вас прыеду», — кажа яна напрыканцы відэа, анансуючы выступ, дзе прагучаць лепшыя песні і новыя хіты. У самім посце спявачка з гумарам назвала сябе «бульбай», пад ім зараз ідзе актыўнае абмеркаванне.

Першапачаткова беларуская версія песні была створана ў 2009 годзе для праекта «Тузін. Перазагрузка». Пераклад зрабіў паэт Глеб Лабадзенка.

Рыта Дакота заявіла пра сябе ў межах тэлевізійнага праекта «Фабрыка зорак — 7», пасля развіўшы поспех у якасці самастойнай артысткі і папулярнага сонграйтэра. Першы сольны канцэрт спявачкі ў Мінску год таму прайшоў з аншлагам.

17 снежня — Мінск, Prime Hall — 20:00

Квіткі: 52-92 руб.

Продаж: Chg.by, Ticketpro.by

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ