Даслаць навіну
Знайсці
04.11.2019 / 17:38 11

Масква не працягнула Мінску «перамытнёўку» нафты. Страты ў 2020 годзе складуць $423 мільёны

Павялічыць выяву

pxhere.com

Страты даходнай часткі бюджэту Беларусі ў 2020 годзе ад спынення «перамытнёўкі» расійскай нафты складуць 951 млн рублёў (каля 423,6 млн даляраў). Пра гэта заявіў першы намеснік міністра фінансаў краіны Юрый Селіверстаў, піша Tut.by

«Страты ў параўнанні з 2019 годам даходаў ад паступлення сродкаў ад так званай перамытнёўкі складуць 951 млн рублёў», — сказаў ён панядзелак у парламенце.

У тлумачальнай запісцы да праекту бюджэту-2020 гаворыцца пра страты «ад спынення тэрміну дзеяння дамоўленасцей з Расійскай Федэрацыяй у нафтагазавай сферы» на 950,9 млн руб.

Расія ў 2017 годзе з мэтай кампенсацыі высокіх (на думку беларускага боку) цэн на газ прадаставіла Беларусі магчымасць залічаць у свой бюджэт мытную пошліну ад 6 млн тон нафты (так званая перамытнёўка). Гэта «пагадненне аб супрацоўніцтве ў нафтагазавай сферы» дзейнічае па 2019 год уключна. Але на працягу гэтага года беларускія чыноўнікі казалі, што вядуць перамовы на прадмет падаўжэння дамовы.

Юрый Селіверстаў, адказваючы на ​​пытанне журналістаў, ці значыць гэта, што Мінск і Масква па пытанні «перамытнёўкі» нафты на 2020 год не дамовіліся, сказаў: «На дадзены момант пакуль так».

Як заявіў Селіверстаў, бюджэт таксама панясе страты «ва ўмовах нарастання дзеяння падатковага манеўру ў нафтавай сферы ў Расійскай Федэрацыі». Страты рэспубліканскага бюджэту ад вывазных мытных пошлін на нафтапрадукты складуць 537,2 млн рублёў (каля 239,3 млн даляраў), адзначаецца ў дакументах да праекту бюджэту.

NN.by

1
Мiця Выкручанскi / адказаць
05.11.2019 / 09:45
...у нас с  "нашей" Россией нет нерешаемых вопросов !....
 -- кто сказал ?....и зачем ?...
0
Ваўкалак / адказаць
05.11.2019 / 13:58
А ўвогуле, у чым сутнасць падатковага манэўру. Яны робяць працу ўсіх нафтаперапрацоўваючых заводаў нерэнтабельнай. Пасля ж кампенсуюць сваім заводам страты. Не дрэнна было б і нам зрабіць падатковы манэўр - браць мыту з электракараў (па законах Еўразэс), а потым з дзяржбюджэты кампенсаваць 90% сумы ў якасці дзяржпраграмы. Завалім ім рынак заходнімі электрамабілямі, і тады паглядзім чый манэўр лепшы.
0
Вясковы Лірнік / адказаць
08.11.2019 / 06:51
Serg, В чём смысл словоизвержения?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30