Даслаць навіну
Знайсці
04.11.2019 / 15:51 2

Што мы слухалі ў кастрычніку — топ-10 альбомаў месяца АЎДЫЯ 

Традыцыйна напачатку месяца прапануем вашай увазе дзясятку найбольш цікавых, на наш погляд, музычных навінак. Вельмі прыемна, што зноў не абышлося без беларускіх гуртоў. 

Seeed — Bam Bam

Павялічыць выяву

Seeed — адзін з найбольш вядомых і паважаных музычных калектываў Германіі.

Стыль гурта вызначыць адназначна складана — гэта нешта паміж рэгі, хіп-хопам і дабам. Адметнасць Seeed у тым, што ў склад калектыву ўваходзіць адразу 11 чалавек: 2 салісты, ды-джэй і вялікая інструментальная каманда.

Bam Bam — шосты альбом у дыскаграфіі гурта, які прыхільнікі чакалі доўгія сем год. 

Nick Cave & The Bad Seeds — Ghosteen

Павялічыць выяву

Двайны альбом Ghosteen закрывае своеасаблівую музычную «трылогію», распачатую двума папярэднімі альбомамі гурта, Push the Sky Away і Skeleton Tree.

Галоўнымі лірычнымі тэмамі альбома, па словах Кейва, з'яўляюцца «каханне, пачуццё страты і здольнасць адпускаць».

Варта нагадаць, што падчас запісу папярэдняга альбома загінуў 15-гадовы сын Ніка Кэйва. У Ghosteen Кейв шукае і, здаецца, знаходзіць у сабе жаданне і сілы неяк рухацца кудысьці далей. 

Portico Quartet — Memory Streams

Павялічыць выяву

Portico Quartet — гэта чацвёра брытанскіх музыкаў, якія ў сваёй творчасці спалучаюць джаз з электроннай музыкай.

Атрымліваецца з гэтага вельмі смачны і прыгожы кактэйль, а новы альбом крытыкі лічаць найлепшым за апошнія 10 гадоў. 

Relikt — Дрэва жыцця

Павялічыць выяву

З выхадам новага альбома гурт Relikt правёў невялічкі рэбрэндынг: для спрашчэння пошуку і ўспрымання ў назве адзінка памянялася на літару «L».

Але на гэтым са зменамі скончана. У музычным плане гэта ўсё тыя ж народныя песні, выкананыя ў фірмовым пазнавальным «рэліктавым» стылі. Што вельмі добра.

Mando Diao — BANG

Павялічыць выяву

Шведскі гурт за 20 гадоў свайго існавання, здаецца, да дасканаласці давёў свой гук і стыль. Яны — пазнавальныя, і гэта іх як плюс, так і мінус.

Тыя, хто чакаў нечага новага, кажуць пра тое, што альбом даволі сярэдненькі. Аматараў жа стылю BANG задаволіў, але ўсе сходзяцца на думцы, што гэта далёка не найлепшая работа ў дыскаграфіі шведаў. 

FOALS — Everything Not Saved Will Be Lost: Part 2

Павялічыць выяву

У сакавіку першая частка альбома брытанскага гурта FOALS усталявала надзвычайна высокую музычную планку. І другая частка, відавочна, не расчаравала прыхільнікаў — гэта заяўкі на званне найлепшых альбомаў у сваім музычным жанры.

Калі першая частка была больш меладычнай і нью-вэйвавай, то другую FOALS імкнуліся зрабіць больш рокавай і эксперыментальнай. 

Shuma — Me, Mother

Павялічыць выяву

У сваім новым альбоме Shuma сабрала старажытныя беларускія песні, якія выкарыстоўваліся жанчынамі ў розных рытуалах, і захавала ўсе моўныя дыялекты.

«Me, Mother» — гукавая містэрыя, прысвечаная калектывам нашай Маці Зямлі, а таксама сваім бацькам і дзецям.

Stereophonics — Kind

Павялічыць выяву

Свой адзінаццаты альбом валійцы запісалі ў бровары Ramsbury Brewery & Distillery ў англійскім горадзе Марлбара, графства Уілтшыр, усяго за 11 летніх дзён.

Cigarettes After Sex — Cry

Павялічыць выяву

Франтмэн гурта Грэг Гансалес раней прызнаўся, што бачыць другі альбом гурта як фільм, — а крытыкі адзначаюць кінематаграфічнасць і адначасова медытатыўнасць плыткі.

Kanye West — Jesus Is King

Павялічыць выяву

Некалі Канье хацеў кінуць чытаць рэп, бо гэта — музыка д'ябла. Але пастар змог пераканаць рэпера і накіраваць творчасць у станоўчую плынь. Рашэнне знайшлося ў выглядзе альбома на рэлігійную тэматыку.

Сёлета Канье Уэст заснаваў госпэл-гурт, які выконвае па нядзелях рэлігійныя песні і каверы на старыя трэкі Уэста. Там жа ўпершыню быў выкананы адзін з трэкаў альбома.

На Каляды Уэст абяцае яшчэ адзін рэлігійны альбом.

Нашы папярэднія агляды:

Піліп Каваленка

0
Pavieł Hančar / адказаць
04.11.2019 / 18:13
Хлопцы, што за здзек з ВК? Калі ласка, больш так не рабіце :(
2
Кажыма праўду / адказаць
04.11.2019 / 21:46
Слухайма на Soundcloud:

Ghosteen by Nick Cave & The Bad Seeds (nickcaveofficial/sets/ghosteen)
Memory Streams by Portico Quartet (porticoquartet/sets/memory-streams)
Дрэва Жыцця by Relikt (relikt_belarus/sets/dreva-zyccia)
Everything Not Saved Will Be Lost Part 1 by FOALS (foals/sets/everything-not-saved-will-be-1)
Me, Mother by Shuma (shumaofficial/sets/me-mother-1)
Cry by Cigarettes After Sex (cigarettesaftersex/sets/cry)
Jesus Is King by Kanye West (kanye-jika/sets/jesus-is-king)

За выдатную музыку без «Укантакціка»
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30