Даслаць навіну
Знайсці
03.11.2019 / 19:01 1

Памяць ахвяр сталінскіх рэпрэсій ушанавалі ў Магілёве

Каля трыццаці чалавек прыйшлі сёння, у свята Дзяды, да двух памятных крыжоў на праспекце Дзімітрава, што ўсталяваны ў гонар бязвінна забітых падчас савецкіх рэпрэсій.

Павялічыць выяву

«Мы сабраліся ўшанаваць ахвяр сталінскіх рэпрэсій, ахвяр камуністычнай улады. У Магілёве такіх месц яшчэ шмат. Не так даўно, дзякуючы журналісту Алесю Асіпцову, мы даведаліся, што ёсць яшчэ адно такое месца — у Вільчыцах, дзе забівалі людзей. Мы сабраліся тут, каб аддаць даніну памяці забітым людзям», — заявіў, адкрываючы мітынг, грамадскі актывіст Алег Аксёнаў.

Павялічыць выяву

Старшыня Магілёўскай абласной арганізацыі Таварыства беларускай мовы Міхась Булавацкі, распавёў пра гісторыю таго, як у гэтым месцы -— насупраць цяперашняга мясакамбіната знаходзілі чалавечыя парэшткі. Паводле яго, раскопкі пачаліся яшчэ падчас апошняй вайны, калі немцы здабывалі пясок для будаўніцтва. «Калі фашысты бралі пясок для будаўнічых работ, яны знаходзілі парэшткі людзей. Яны назбіралі вялікую груду касцей і паставілі таблічку — паглядзіце, што з вамі рабілі камуністы. Пасля вайны тут таксама бралі пясок. Гэты пясок з касцямі развозілі па будоўлях», — гаварыў Булавацкі.

Павялічыць выяву

«Аднойчы дзеці гуляючы тут ў пяску, знайшлі сківіцу з адным зубам. Пра гэта даведаліся ў райвыканкаме, стварылі камісію, якая наняла людзей для раскопак. Людзі працавалі прыкладна месяц, павыкопвалі больш за 100 шкілетаў, але далей адмовіліся рабіць раскопкі, бо плацілі мала. Раскапаныя шкілеты пахавалі на Паўночных могілках, але колькі іх засталося перад нашымі нагамі?» — запытаўся выступоўца.

Павялічыць выяву

Ён таксама распавёў, што ў Курапатах, што пад Мінскам, у ноч з 29 на 30 кастрычніка прайшло мерапрыемства пад назвай «Ноч расстраляных паэтаў» ў гонар тых літаратараў, якія загінулі ў той дзень у 1937 годзе ў сталічнай турме НКВД. Тады, як адзначыў Булавацкі, былі забіты больш за 100 прадстаўнікоў беларускай інтэлігенцыі, сярод якіх 22 паэты.

Павялічыць выяву

6tv.by

0
Надзя / адказаць
03.11.2019 / 21:12
Павага за памяць
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30