Даслаць навіну
Знайсці
03.11.2019 / 16:32 11

Цыганкоў: Амерыканская Cancel Culture і беларускія паралелі

Павялічыць выяву

І ты, Абама?

Ведаеце, што гэтыя дні абмяркоўвае ўся Амэрыка, і найперш, ліберальная? Апошнія выказваньні Барака Абамы наконт cancel culture. Гэта даволі сьвежы выраз, які перакладаецца як «культура скасаваньня, адмены», і азначае не прыняцьцё іншых поглядаў, нежаданьне зь імі спрачацца, а намер проста «закрыць», «адмяніць» іх. А таксама і носьбітаў гэтых поглядаў.

І вось нядаўна Абама, выступаючы перад моладдзю ў сваім фондзе, сказаў літаральна наступнае. «Гэтая ідэя чысьціні, калі вы ніколі не ідзяце на кампраміс, і вы заўсёды палітычна абуджаныя (woke) і ўсё такое. Вы павінны пераадолець гэта. Сьвет беспарадачны, заблытаны. Поўна няяснасьцяў. Людзі, якія робяць сапраўды добрыя рэчы, маюць недахопы. Людзі, зь якімі вы змагаецеся, могуць любіць сваіх дзяцей. І падзяляюць пэўныя рэчы з вамі».

Абама асобна выдзеліў студэнтаў, якія, як ён выказаўся, думаюць, што «рабіць перамены — гэта як мага больш асуджаць іншых людзей, і гэтага дастаткова». «Гэта не актывізм. Гэта не прынясе перамены. Калі ўсё, што вы робіце — гэта кідаеце камяні, то вы наўрад ці прасунецеся далёка», — сказаў Абама.

Ясна, што такія словы зараз усе абмяркоўваюць. Людзі «справа» у асноўным весяляцца і кажуць «запрашаем да нас, to the Intellectual Dark Web» (гэта такая нефармальная назва для ўсіх мысьляроў, ад кансэрватараў да традыцыйных лібералаў, якія нязгодныя з левым мэйнстрымам).

Ну а сам мэйнстрым прадказальна крычыць «здрада». «Група, да якой далучыўся Абама ў сваёй крытыцы маладых людзей, дамінаваная белымі гетерасэксуальнымі мужчынамі, крайне правымі гаварашчымі галовамі, і знакамітасьцямі, якія прэтэндуюць на аўдыторыю, якая паважае іхняе мастацтва і пакорліва ігнаруе іхнія памылкі», — гэтак піша аўтар New York times. Яшчэ і старпёрам яго абазвалі), што ён, маўляў, не разумее каштоўнасьці маладога пакаленьня.

Абама — палітык, які ўмее адчуваць большасьць і, адпаведна, упэўнена перамагаць на выбарах. Ён заўсёды быў цэнтрыстам (добра, лева-цэнтрыстам) і разумеў, куды вядзе лявацтва і агрэсіўнасьць часткі сваіх жа паплечнікаў па Дэмакратычнай партыі — да паразы вядзе. І я, па шчырасьці, ня ведаю, ці ёсьць шанцы, што двойчы прэзыдэнта паслухаюцца тыя людзі, да якіх і зьвернутыя ягоныя словы.

Віталь Цыганкоў, facebook.com

4
Трактарыст-максімаліст / адказаць
04.11.2019 / 10:30
Абама проста агучыў усім вядомыя факты. Тое, што левкі гарлапаны, якія ня церпяць крытыкі і кампрамісаў, беларусы маглі пераканацца на прыкладзе беларускага ПЭН-цэнтру. Абама сапраўдны дэмакрат, а не лявак, які жыве швэдскай сям'ёй, плаціць каханкам вялкія бонусы, а потым крычыць пар шавінізм. Настаў час вычысціць Дэмакратычную партыю ад лявацкага шлаку. А інашк рэспубліканцы кожны раз будуць перамагаць на выбарах. Аднапавярховая, працоўная Амерыка зноў абярэ Трампа, а не лявацкага кандыдата.  
9
Serg / адказаць
04.11.2019 / 18:38
Уровень чёрного уже показали. Я все понял! Класс! Только Трамп!
2
Вацлаў / адказаць
04.11.2019 / 20:25
american, ня маю неабходнасьці ментальнага жыцьця ва чужынскіх прасторах, бо ў мяне з самаацэнкай усё нармальна і мне дупу ня рве ад таго, што шляхам дыктатуры сацыяльнае й палітычнае ў маёй краіне выцесьненае за мяжы нашых масавых камунікацый. Прынамсі ня да той ступені, каб я захварэў на шызафрэнію і пачаў атаясамляць сябе зь іншай ўяўнай супольнасьцю ды ваяваць на La Guerre du Golfe, уяўленьне аб якой усё роўна маю хіба праз агучваньне Валадарскага ды Work & Travel ў лепшым выпадку. Тым больш, мне цалкам хапае ўласнага досьведу, каб разумець, якая культурная бездань ляжыць паміж мной і нават майго ўзросту, узроўня адукацыі й сацыяльнага становішча жыхаром ЗША. Ня меньшае, чым паміж кітайцам альбо паўднёваафрыканцам.
Што тычыцца цябе й пана Цыганкова, то вы ўсяго толькі люстэрка тых маіх суайчыньнікаў, якія з дапамогай саўковых падручнікаў й расейскага тэлебачаньня працягваюць ментальна жыць дзесьці паміж Омскам і Хабараўскам - цалкам у чужынскай прывіднай інфармацыйнай прасторы. І ўсё б было нічога, калі б вы не цягнулі гэтае дзярмо на нячышчаных лапцях ў маю беларускую рэчаіснасьць.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30