На 80-гадовага лжэмінёра самалёта завялі крымінальную справу

Па дадзеных следства, вечарам 1 лістапада ў Нацыянальным аэрапорце ''Мінск'' пры пасадцы на рэйс Мінск — Санкт-Пецярбург ад 80-гадовага пасажыра паступіла паведамленне аб магчымасці выбуху борта.

На месца здарэння выбывалі сапёрна-піратэхнічная і следча-аператыўная групы. Праведзены агляд месца здарэння. Выбуховых прыладаў не знойдзена.

У дачыненні да пажылога мужчыны Кастрычніцкім раённым аддзелам Следчага камітэта распачата крымінальная справа па факце загадзя фальшывага паведамлення аб небяспецы па ч.1 арт.340 Крымінальнага кодэкса. Пра гэта паведамляецца ў тэлеграм-канале Следчага камітэта.

Ён затрыманы, з ім праводзяцца неадкладныя следчыя дзеянні.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0