Даслаць навіну
Знайсці
02.11.2019 / 13:41 10

Археолаг з Акадэміі навук: Са мной не працягнулі кантракт. Кіраўніцтва: Проста супрацоўніца выйшла з дэкрэту

Археолаг Алесь Гаршкоў працаваў малодшым навуковым супрацоўнікам аддзела археалогіі першабытнага грамадства Інстытута гісторыі Акадэміі навук Беларусі. Ад лістапада з ім не працягнулі кантракт — палічылі немэтазгодным. Па словах Алеся, усё праз асабістыя адносіны.

Павялічыць выяву

«Інстытут фактычна мае манаполію на ўсе ахоўныя раскопкі. Калі будуецца што-небудзь, павінен быць нагляд або раскопкі. Часам яны праводзяцца непрафесійна. Была гісторыя з Гродна, на вуліцы Вялікая Траецкая, пра якую я ў фэйсбуку пісаў, што мне сорамна за тыя даследаванні калег — там зямля пагрузчыкам грузілася на машыны і вывозілася. За што мяне выклікалі «на дыван» і адправілі туды. Плюс я такі чалавек, што магу адмовіць і не хадзіць на задніх лапках.

Яшчэ асабістыя зносіны з некаторымі людзьмі з адміністрацыі, мякка кажучы, не вельмі склаліся. Усё прывяло да звальнення.

Мне было прапанавана перайсці ў іншы аддзел, рабіць рэестр артэфактаў і помнікаў, які павінен быць па Кодэксе аб культуры. Але фактычна тады я б не змог займацца сваёй тэмай, палеалітам, па якой у нас з калегамі ёсць добрыя вынікі, можна сказаць еўрапейскага маштабу. Я адмовіўся, і ў выніку мне не падпісалі кантракт. Хоць мае паказчыкі ў параўнанні з іншымі супрацоўнікамі не горшыя».

Археолаг піша, што за год прыняў удзел у даследаваннях у Петрыкаве, на гарадзішчы Обчын, фартэцыі Жабер, участках Снядзін-2, Асавец-2. Ездзіў таксама ў Расію ў Касцёнкаўскую археалагічную экспедыцыю.

«Я пачаў і ўласныя даследаванні. Правёў разведкі на тэрыторыі Гродзенскага, Клецкага, Ганцавіцкага раёнаў. Для некаторых помнікаў у Гродзенскім і Ганцавіцкім раёнах рабіў зоны аховы. Але самае галоўнае для мяне — гэта правядзенне ўласных першых раскопак на Кавальцах-1».

Алесь Гаршкоў дадае, што археолагаў у Беларусі ўвогуле няшмат.

«З інстытута сышлі тры маладыя супрацоўнікі, у наступным месяцы яшчэ адзін сыходзіць, а аспірантаў прыбывае няшмат. Палеалітам зараз у інстытуце займаюцца два чалавекі: даследчыца, якой 80 гадоў будзе, і калега, які, праўда, піша дысертацыю па мезаліце».

У Акадэміі навук расказваюць сваю версію падзей.

«Аляксандр вучыцца ў нас у магістратуры ў Інстытуце падрыхтоўкі навуковых кадраў. Ён паступіў туды, і потым яго ўзялі да нас на працу на палову стаўкі, каб, магчыма, фінансава неяк падтрымаць. Хоць у нас такой практыкі няма, каб браць чалавека, які не скончыў магістратуру (акрамя як лабарантам) — звычайна ў Акадэмію навук пасля аспірантуры прыходзяць, — каментуе загадчык аддзела археалогіі першабытнага грамадства Інстытута гісторыі Станіслаў Юрэцкі. —

Хачу сказаць, што ў яго ўжо была спроба звольніцца. У жніўні ён пісаў заяву. Потым перадумаў. Прычынай нездаволенасці Аляксандра было тое, што ён хацеў паехаць у камандзіроўку за мяжу на большы тэрмін, чым мы прапаноўвалі. А ў нас быў гарачы сезон — трэба было тут працаваць.

Цяпер у нас у інстытуце ёсць неабходнасць актывізацыі фондавай працы — сістэматызацыя і ўлік знаходак. І калі Аляксандр напісаў заяву на працягненне кантракту, я яму прапаноўваў: мы не супраць, каб вы працавалі, толькі ў іншым аддзеле — захавання і выкарыстання археалагічнай спадчыны. Тым больш у яго ёсць вопыт працы з фондамі, бо ён былы работнік Гродзенскага дзяржаўнага гісторыка-археалагічнага музея.

Аляксандр не захацеў: «Не, мяне гэта не задавальняе, гэта будзе адцягваць увагу ад магістарскай працы». Я яму казаў: ідзіце падумайце. Яго гранты за ім бы захоўваліся, паездкі на раскопкі таксама — я ў тым аддзеле працаваў і ездзіў на раскопкі».

Чаму Гаршкова не маглі пакінуць на папярэднім месцы? Намеснік дырэктара Інстытута гісторыі Вадзім Лакіза тлумачыць, што Акадэмія навук — гэта бюджэтная арганізацыя, якая залежыць ад выдзеленага фінансавання. Летась магістранта ўзялі туды, дзе было месца і патрэба. Цяпер выйшла з дэкрэта супрацоўніца аддзела, а неабходнасць у рабочых руках з’явілася ў іншым кірунку.

НЛ

0
per aspera / адказаць
03.11.2019 / 16:50
...чакаць лепшых часоў, спадзеючыся што Ісціна ды Здаровы сэнс перамогуць. А таксама сябраваць з іншаземнымі навукоўцамі, бо... жыць пасярод невуцтва і дэпресіі - самому можна з глузду з'ехаць!..
0
Алесь Петухоў / адказаць
04.11.2019 / 08:41
Зразумець можна, але карані ў працоўным кодэксе ды кантрактнай сыстэме. Выніковасць працы, а яна бясспрэчная, адзін фактараў. Але тое, што адукацыйны цэнз нізкі, не жанаты без малых дзяцей на шыі, часовы супрацоўнік на 0,5 стаўкі робіць яго першым на вылет. Тут і канец працоўнай дамовы, і сацыяльныя гарантыі жанчыны з дэкрэту, і яршыстасць супрацоўніка суіснуюць.
0
Медны канцлер / адказаць
04.11.2019 / 21:29
per aspera, баюся, праца археолага – цяжкая фізічна ў тым ліку. А фармат камандзіровак увогуле далёка не для ўсіх пасільны. За студэнцтва прыходзілася праходзіць адпаведную практыку. Жорсткія ўмовы, часовая ізаляванасць ад выгод, смешны заробак і сумніўны прэстыж – ня дзіва, што па гэтаму накірунку ніхто з маладых не прыходзіць. Асабліва яшчэ калі адміністрацыя ўстаўляе палкі ў колы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30