Даслаць навіну
Знайсці
01.11.2019 / 16:36 15

Бачкоў: Беларускія клоны Дудзя ненавідзяць свайго суразмоўцу. А Марат Маркаў прафесійны, харызматычны

Дзмітрый Бачкоў — самы статусны вядучы АНТ. Раней ён вёў ток-шоу «Наша жыццё», а цяпер займаецца праектам «Аб'ектыўна» — тое самае, але без гледачоў. Адначасова Бачкоў лічыцца на АНТ першым намеснікам старшыні праўлення Марата Маркава.

Павялічыць выяву

У інтэрв'ю Sb.by ён расказаў пра сваё стаўленне да відэапраектаў у інтэрнэце і пахваліў свайго начальніка Марата Маркава.

— Калі ёсць магчымасць дарвацца да YouTube, вывучаю новыя праекты, гляджу блогераў, якія спрабуюць кінуць выклік Дудзю.

— Хтосьці з новенькіх вас зачапіў у апошні час?

— Пакуль толькі расчараваў. Таму што нічога новага па-ранейшаму не адбываецца. Вось з'явіўся Дудзь, і ўсе сталі яго капіяваць. З розным поспехам, вядома, але ў асноўным гэта суцэльная пародыя. Галоўны недахоп ва ўсіх гэтых клонаў Дудзя (а я кажу ў тым ліку і пра нашых, беларускіх блогераў) — непрафесіяналізм. Ён заключаецца ў тым, што вядучыя запрашаюць чалавека ў студыю і шчыра ненавідзяць свайго суразмоўцу. І нават не спрабуюць гэта схаваць. Пры гэтым Дудзь нават да тых спікераў, якія ў рэальным жыцці відавочна з'яўляюцца яго апанентамі, звяртаецца карэктна. Так, ён абвастрае, задае пытанні на мяжы, але сваёй асабістай нянавісці і пагарды не выяўляе. І гэта таксама выдае ў ім прафесійнага журналіста.

Але, акрамя відавочных рэчаў, ёсць яшчэ і нябачныя матэрыі — энергетыка, харызма, — якімі павінен валодаць прафесійны інтэрв'юер. Імі, напрыклад, адрозніваюцца Леанід Парфёнаў, Уладзімір Познер, наш Марат Маркаў.

Чым мне падабаецца праграма «Маркаў. Нічога асабістага»? Тым, што ў ёй ёсць цікавы суразмоўца і вядучы, які мае вопыт, свой пункт гледжання, пазіцыю. А сваёй харызмай ён часам нават кампенсуе адсутнасць цікавасці да адказу таго ці іншага суразмоўцу. І гэта ідэальнае спалучэнне: прафесійныя навыкі і асабістыя характарыстыкі.

NN.by

0
Мыкола / адказаць
01.11.2019 / 22:34
Биг боссу своему зализал нормально, а про Дудя согласен.
1
Маланка / адказаць
01.11.2019 / 23:38
Як можна было дадумацца паставіць у адзін шэраг Парфёнава і Маркава? Куды там нейкаму Парфёнаву да бліскучага Маркава!
1
падарожны / адказаць
02.11.2019 / 13:21
Каго вы цягнеце на старонкі? Лукажабаў? Згубіце сталых чытачоў
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30