У Беларусі ад 1 лістапада забаронена лавіць самоў і сігаў

Ад 1 лістапада да 15 снежня ў сіга праходзіць нераст,, паведамляе БелТА. Праснаводны прадстаўнік сямейства ласосевых не баіцца холаду і пачынае размнажэнне позняй восенню. 

А вось сом, наадварот, чуйны да пахаладання, таму раней за іншыя віды рыб залягае на зімоўку. Ён нерухомее, што робіць яго лёгкай здабычай у зімавальных ямах. Каб зберагчы сома ад вынішчэння, ад 1 лістапада да 31 сакавіка яго паўсюдна забаронена лавіць.

Здабыча гэтых відаў рыбы ў час забароны абыйдзецца парушальнікам у буйныя сумы: 12 базавых велічынь за кожную асобіну сома еўрапейскага (базавая велічыня цяпер складае Br25,5) і 9 базавых - за кожную асобіну сіга чудскага.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0