Шанец падабрацца да Брэста. Сёння адбудуцца два перанесеныя матчы чэмпіянату Беларусі па футболе
Сёння ўдзельнікі еўракубкаў вяртаюць апошнія даўгі. Пасля гэтага табліца выраўняецца, і ўсім застанецца згуляць па чатыры матчы (вядома, акрамя тых, хто атрымае бонусам перамогу над «Тарпеда»). Разам з Букмекерскай канторай Марафон мы сочым за чэмпіянатам Беларусі па футболе.
У нядзелю «Шахцёр» і БАТЭ выдалі шыкоўны матч, з якога пераможцам выйшла брэсцкае «Дынама». Нічыя прамых канкурэнтаў яшчэ на два балы наблізіла берасцейцаў да чэмпіёнства.
Але рабіць вынікі зарана, бо наперадзе яшчэ чатыры туры, у якіх усё можа памяняцца.
Што нас чакае сёння?
«Славія» — «Дынама-Мінск»
- 30.10, 15:00. Мазыр, стадыён «Юнацтва».
- Каэфіцыенты: «Славія» (перамога) — 5.10; нічыя — 3.90; «Дынама» (перамога) — 1.62.
Падначаленыя Сяргея Гурэнкі не могуць выйграць ужо чатыры гульні запар. У апошнім туры «Дынама» на пару з «Энергетыкам-БДУ» выдалі феерычную нічыю, у якой было ўсё: хет-трык (Ілля Шкурын забіў 17 мячоў у чэмпіянаце, але так і не выкліканы ў зборную), пенальці, выдаленне. Толькі сінхронныя страты прамых канкурэнтаў дапамагаюць захоўваць камфортны адрыў у барацьбе за чацвёрты радок.
Фота: «Дынама-Мінск».
Сёння «Дынама» згуляе супраць «Славіі», якая таксама перажывае не найлепшыя часы і не можа на полі перамагчы два з паловай месяцы. Зона пераходных матчаў пакуль далекавата, але трэба падсабрацца.
Прагноз «НН»: тотал, меншы за 2.5.
«Дняпро» — БАТЭ
- 30.10, 19:30. Магілёў, стадыён «Спартак».
- Каэфіцыенты: «Дняпро» (перамога) — 7.40; нічыя — 4.75; БАТЭ (перамога) — 1.38.
Канец гегемоніі блізкі, як ніколі. Ужо і самі гульцы БАТЭ даволі асцярожна, але выказваюцца наконт таго, што не ўсё залежыць ад іх.
«Дняпро» ж працягвае сваю паспяховую спецаперацыю па выратаванні — 8 балаў у апошніх чатырох матчах з вялікай імавернасцю забяспечылі магілёўскую каманду пуцёўкай у «вышку» на наступны сезон.
У апошняй гульні магілёўцы ледзь не выйгралі ў «Іслачы», але адыграла сваю ролю слабая рэалізацыя выдатных момантаў. З БАТЭ, вядома ж, усё будзе інакш.
Прагноз «НН»: перамога БАТЭ (хочацца, каб інтрыга яшчэ пажыла.
ТУРНІРНАЯ ТАБЛІЦА
Дзяліцеся прагнозамі ў каментарах. Лічыце сябе экспертам у беларускім футболе — зрабіце стаўку ў Букмекерскай канторы Марафон!