Брытанія знішчыць манеты, якія чаканіліся ў гонар Brexit

Вялікабрытаніі прыйдзецца знішчыць сотні тысяч манет вартасцю 50 пенсаў, выпушчаных да даты выхаду каралеўства з Еўрасаюза. Такое рашэнне прынята ў сувязі з тым, што на манетах напісаная неактуальная ўжо дата Brexit, перадае Bloomberg.

Першапачаткова планавалася выпусціць мільёны такіх манет, але на мінулым тыдні вытворчасць спынілі.

Меркавалася, што ў абарачэнне манеты паступяць 31 кастрычніка — у дзень выхаду Вялікабрытаніі з ЕС. Аднак 28 кастрычніка прэм'ер-міністр краіны Борыс Джонсан пагадзіўся з прапановай Еўрасаюза адкласці Brexit да 31 студзеня 2020 года.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0