Расійскія школьнікі ўзарвалі петардамі 11 шчанюкоў

У Башкартастане (Расія) паліцыя распачала крымінальную справу пасля забойства школьнікамі 11 шчанюкоў, піша Lenta.ru.

У канцы верасня ў сацыяльных сетках з'явіліся фотаздымкі мёртвых шчанюкоў, якіх ўзарвалі петардамі школьнікі ў мікрараёне Будмаш Стэрлітамакскага раёна.

Паліцыя пачала праверку, падчас якой устанавіла, што забітыя шчанюкі з сабакам жылі ў склепе пабудовы ў Будмашы. У ходзе даследчай праверкі трупы жывёл адправілі на экспертызу, якая ўстанавіла, што пяцёра шчанюкоў памерлі ад множных пашкоджанняў, адзін — ад колатых ран, астатнія ад голаду, пнеўманіі або пераахаладжэння.

Паліцэйскія распачалі справу аб жорсткім абыходжанні з жывёламі і зараз высвятляюць абставіны здарэння.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0