Знайсці
23.10.2019 / 16:052РусŁacБел

У Магілёве п'яны кіроўца пайшоў на таран машыны ДАІ

Учора ў 18:56 у міліцыю паступіла паведамленне, што па вёсцы Палыкавічы ў бок Магілёва рухаецца «Аўдзі» серабрыстага колеру, прычым парушае Правілы дарожнага руху. А кіроўца, магчыма, знаходзіцца ў стане алкагольнага ап'янення.

Напярэймы машыне выехаў нарад батальёна ДАІ.

Праязджаючы па вул. Крупскай у Магілёве ў раёне Палаца гімнастыкі нарад ДАІ звярнуў увагу на аўтамабіль, які рухаўся па сустрэчнай паласе: гэта і была тая самая «Аўдзі».

Каб спыніць парушальніка, а таксама каб пазбегнуць цяжкіх наступстваў, супрацоўнікі ДАІ прынялі адзіна правільнае рашэнне: спынілі патрульны аўтамабіль з уключанымі пробліскавымі маячкамі сіняга і чырвонага колеру на шляху руху правапарушальніка. Тым самы яны заблакавалі дарогу на ажыўлены пешаходны пераход і скрыжаванне.

Аднак кіроўца «Аўдзі» праігнараваў патрабаванні і здзейсніў лабавое сутыкненне з аўтамабілем ДАІ. У выніку ДТЗ транспартным сродкам прычыненыя механічныя пашкоджанні.

Як паказала экспертыза, кіроўца «Аўдзі» знаходзіўся ў стане алкагольнага ап'янення (0,8 праміле). У дачыненні да яго складзены пратаколы аб адміністрацыйных правапарушэннях за кіраванне аўтамабілем у стане алкагольнага ап'янення, стварэнне аварыйнай абстаноўкі і за адсутнасць допуску да ўдзелу ў дарожным руху.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера