Даслаць навіну
Знайсці
23.10.2019 / 14:33 36

Хадановіч пракаментаваў прэтэнзіі пра гей-лобі і «левакоў» у ПЭН-цэнтры

Андрэй Хадановіч, былы старшыня ПЭН-цэнтру, цяпер сябра Рады ПЭНа. Ён падрабязна разабраў прэтэнзіі Паўла Севярынца.

Чытайце. Павел Севярынец: Хадановіч прыцягнуў у ПЭН-Цэнтр агрэсіўных феміністак і гей-лобі, але не пускае хрысціян

Павялічыць выяву

Андрэй Хадановіч

«У гэтым допісе шмат эмоцый. Ёсць факты, а ёсць іх інтэрпрэтацыі спадаром Севярынцам. А ёсць і проста няпраўда. Ад чалавека, які бравіруе іменем верніка і часта звяртаецца да боскага аўтарытэту, хлусню чытаць асабліва прыкра.

Пра тое, што Хадановіч нібыта «прыцягнуў у арганізацыю групу радыкальных адэптаў культурнага марксізму — агрэсіўных феміністак, гей-лобі, агітатараў лявацтва».

Я думаю, што ва ўсе гэтыя катэгорыі спадар Севярынец запісвае «некансерватараў», не згодных з ім. Ён шчыра здзіўляецца, што ў свеце ёсць людзі, якія не падзяляюць яго крайняга радыкалізму, яго фанатызму, яго гамафобіі. І Севярынец называе гэта «гей-лобі».

Севярынец віртуозна карыстаецца мовай нянавісці. Гэта мне таксама прыкра чуць ад заслужанага апазіцыйнага палітыка, ад чалавека, які называе сябе пісьменнікам.

Яшчэ ён перыядычна называе маладых літаратараў «атэістамі»… Гэта проста няпраўда, бо ў Радзе ПЭНа ёсць практыкуючыя вернікі, і большасць з іх не падзяляе левых поглядаў, хоць кожны мае права мець свае погляды», — адказаў Хадановіч.

На думку Хадановіча, Севярынец узгадаў прозвішча адыёзнага камуніста Андрэя Лазуткіна проста таму, што не знайшоў іншага спосабу ўказаць на «лявацтва» ПЭН-цэнтру.

«Да Лазуткіна ў ПЭНе ніхто не мае сімпатый, хутчэй, наадварот. І Лазуткін — не член ПЭНа. Так, літаратурны дэбют Лазуткіна адбыўся пры дапамозе Школы маладога літаратара пры Саюзе пісьменнікаў, — нагадаў Андрэй Хадановіч. — Але ж Севярынец ці то наўмысна блытае дзве падзеі, ці то ў яго яны змяшаліся ў галаве. Пра дыскрымінацыю рускамоўных пісьменнікаў я выказваўся, калі абвяшчалася прэмія «Кніга году». І пасля за сваю няўдалую фармулёўку публічна выбачаўся».

Таксама Севярынца абурыла, што ў ПЭН не прынялі вялікую колькасць хрысціянаў.

«Справа ў тым, што калі хаця б два чалавекі з Рады ПЭН-цэнтра знаёмыя з творчасцю кандыдата — чалавека прымаюць у ПЭН. Але пра творчасць 6 з тых 7 хрысціян-пісьменнікаў ніхто з Рады нічога не мог сказаць. Таму ўзялі паўзу, каб азнаёміцца з творчасцю прэтэндэнтаў, вось і ўсё. Мне здаецца, гэта нармальны працоўны момант», — расказаў Хадановіч.

Ён пракаментаваў і выключэнне з ПЭНа Паўла Севярынца.

«Севярынца выключылі не аднаго, там было некалькі чалавек. Прычына — сістэматычная нясплата сяброўскіх унёскаў.

Сітуацыя была такая: ён не плаціў, але заставаўся ў арганізацыі і адказваў, што ўнёскі плаціць не будзе і надалей, бо не падзяляе талерантную пазіцыю ПЭНа адносна сэксуальных меншасцяў», — сказаў Хадановіч.

Старшыня ПЭН-цэнтра Таццяна Нядбай адмовілася каментаваць сітуацыю для «НН». Яна патлумачыла, што раней выказвалася па гэтай тэме на «Радыё Свабода» і на «Белсаце», а таксама спаслалася на тое, што «НН» нібыта скажае яе каментары.

Яе першы намеснік Павел Анціпаў таксама не стаў каментаваць сітуацыю.

УШ

1
american / адказаць
28.10.2019 / 00:42
я смотрю "прагрэсиуная моладз" в надежде присосаться к еврогрантам ,    в комментариях поддерживает своего начальника и клянет Северинца . 
0
Быхау / адказаць
28.10.2019 / 00:55
Это главные проблемы народа РБ?
0
Alehna / адказаць
28.10.2019 / 04:15
Той самы, хоць у нечым з вамі згодны
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30