Жыхар Брэста спальваў смецце на лецішчы і падпаліў сам сябе

Інцыдэнт адбыўся ўчора днём у садовым таварыстве ў в. Шэбрын Брэсцкага раёна. Адтуль у абласную бальніцу даставілі 72-гадовага пенсіянера з апёкамі 20% цела, піша vb.by.

Медыкі тут жа паведамілі пра выпадак у абласное ўпраўленне МНС. Высветлілася, што пацярпелы працаваў на лецішчы і вырашыў перад зімой навесці парадак.

Ён сабраў смецце, закінуў яго ў жалезную бочку, заліў бензінам і падпаліў. Аднак нешта пайшло не так: агонь перакінуўся на адзенне мужчыны і прычыніў яму цялесныя пашкоджанні.

Полымя ўдалося збіць.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0