Знайсці
21.10.2019 / 16:371РусŁacБел

Новы прысуд па «справе медыкаў». Экс-намесніку міністра аховы здароўя далі шэсць гадоў

Суд Савецкага раёна Мінска прысудзіў былога намесніка міністра аховы здароўя Валерыя Шаўчука да шасці гадоў пазбаўлення волі ва ўмовах узмоцненага рэжыму, піша Tut.by.

Валерыя Шаўчука прызналі вінаватым па ч. 3 арт. 430 КК (Атрыманне хабару ў асабліва буйным памеры) і па ч. 1, 2 арт. 209 КК (Махлярства). Таксама ён не зможа займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў на працягу пяці гадоў. 

Шаўчука затрымалі 25 лютага 2019 года. Спачатку яго вінавацілі толькі па ч. 3 арт. 430 КК (Атрыманне хабару ў асабліва буйным памеры), але ўжо ў часе працэсу пракурор прад'явіў новае абвінавачанне — дадалася ч. 1, 2 арт. 209 КК (Махлярства).

Былога намесніка міністра аховы здароўя абвінавачвалі ў тым, што ад Ларысы Рубцовай ён атрымаў iPhone 5 і скураны партфель. Бок абвінавачвання расцаніў гэта як махлярства, бо Шаўчук не збіраўся нікому дапамагаць, а падарункі ўсё роўна прыняў. А вось настольны набор з мармуру і дзве тысячы даляраў, на думку пракурора, гэта ўжо хабар. Атрымаўшы яго, абвінавачаны ўзгадніў наменклатуру кампаніі «Стымэнерджы» на фасоўку і ўпакоўку лекавых сродкаў, якая належыць мужу Рубцовай.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031