Знайсці
21.10.2019 / 12:3944РусŁacБел

Лукашэнка: Рускага расіяніна Валодзю Мулявіна мне пасля нацыяналістычнага чаду давялося падымаць на вышыню

Аляксандр Лукашэнка на сустрэчы з губернатарам Свярдлоўскай вобласці Яўгеніем Куйвашавым прапанаваў пашырыць вытворчую кааперацыю ў машынабудаўнічай галіне, піша БелТА.

«Я заўсёды кажу: гэта і ваша зямля. Беларусь неаддзельная ад славянскіх народаў. Так ужо здарылася ў апошні час, што Беларусь стала самай славянскай краінай, уносячы прыкметны ўклад у збліжэнне нашых народаў. Мы разглядаем развіццё супрацоўніцтва з вамі, з усімі расійскімі рэгіёнамі ў якасці аднаго з ключавых кірункаў. Я часта таксама кажу пра тое, што ў свой час, калі паміж Расіяй і Беларуссю былі не лепшыя часы (бывалі і такія), менавіта супрацоўніцтва рэгіёнаў з Беларуссю выратавала Саюз Беларусі і Расіі», — сказаў ён.

Лукашэнка таксама адзначыў, што апроч машынабудавання, шырокае поле для супрацоўніцтва паміж Беларуссю і Свярдлоўскай вобласцю ёсць у гуманітарнай сферы. Агульнавядома, што легендарны беларускі музыка Уладзімір Мулявін быў родам з Урала. У Мінску дзякуючы дапамозе ўрада Свярдлоўскай вобласці і асабістай падтрымцы губернатара быў усталяваны помнік гэтаму артысту.

«Ваш падарунак — помнік — дарагога варты. Мы ўважліва ставімся да памяці Уладзіміра Мулявіна, падтрымліваем усю яго творчасць, — адзначыў Аляксандр Лукашэнка.

— Гэта наш агульны гонар — Валодзя Мулявін, якога я вельмі добра ведаў, з якім быў вельмі дружны. Пасля нацыяналістычнага чаду (некалькі гадоў у Беларусі і гэта было) мне давялося яго як нашага, рускага чалавека, падымаць на вышыню. Я проста беларусам сказаў, што гэты рускі расіянін навучыў нас размаўляць на беларускай мове».

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031