Знайсці
21.10.2019 / 09:332РусŁacБел

Еўрасаюз пагодзіцца працягнуць Brexit да лютага

Еўрапейскі саюз адкладзе працэдуру выхаду Вялікабрытаніі да лютага, калі яе прэм'ер-міністр Борыс Джонсан не зможа заключыць здзелку на гэтым тыдні. Пра гэта паведамляе The Times са спасылкай на свае крыніцы.

Пры гэтым адзначаецца, што Брытанія зможа выйсці і раней за люты (1 або 15 кожнага месяца), калі ўгода будзе зацверджана да заканчэння адтэрміноўкі. Канчатковае рашэнне ў альянсе не будзе прынята да таго часу, пакуль не стане канчаткова ясна пра дамоўленасці ў брытанскім парламенце на гэтым тыдні. У выпадку з'яўлення больш сур'ёзных цяжкасцей у Джонсана, такіх як рашэнне правесці паўторны рэферэндум, адтэрміноўка можа працягнуцца да чэрвеня.

19 кастрычніка парламент Вялікабрытаніі прагаласаваў за тое, каб запытаць у Еўрасаюза новай адтэрміноўкі па Brexit. Разам з тым прэм'ер-міністр Борыс Джонсан заявіў, што не збіраецца адкладаць выхад з ЕС, запланаваны на 31 кастрычніка.

Брытанія павінна была выйсці з ЕС 29 сакавіка, але парламент некалькі разоў адхіляў прапанову тагачаснага прэм'ера Тэрэзы Мэй па ўмовах пагаднення аб выхадзе. Лондан, атрымаў ад Брусэля адтэрміноўку да 12 красавіка, а затым да 31 кастрычніка. Бакі павінны былі распрацаваць ўзаемапрымальны дагавор, які дазволіць згладзіць наступствы Brexit.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031