Знайсці
21.10.2019 / 07:217РусŁacБел

Пачынаюцца выступы кандыдатаў у дэпутаты па ТБ і радыё

Усе кандыдаты па Брэсцкай, Віцебскай, Гомельскай, Гродзенскай і Магілёўскай абласцях, а таксама па горадзе Мінску атрымалі магчымасьць выступіць на тэлеканале «Беларусь 3», а па Мінскай вобласці — на СТВ, паведамляе БелТА.

Выступы пройдуць у працоўныя дні з сённяшняга дня па 6 лістапада. Працягласць кожнага абмежаваная пяццю хвілінамі. Па тэлебачанні яны будуць транслявацца ў вячэрні прайм-тайм — з 19.00 да 20.40. Выключэнне — 22 і 29 кастрычніка, калі эфірны час прадастаўляецца з 19.00 да 19.30, з улікам сеткі вяшчання тэлеканала «Беларусь 3».

Радыёвыступы можна будзе паслухаць з 7.00 да 8.00. Эфірны час кандыдатаў па Мінску, выдзеліць «Радыё-Мінск», па Мінскай вобласці — «Мінская хваля». Тым, хто будзе вылучацца па іншых абласцях, час дадуць абласныя тэлерадыёкампаніі.

Выбары ў Палату прадстаўнікоў прызначаныя на 17 лістапада, у Савет Рэспублікі — на 7 лістапада.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031