Знайсці
20.10.2019 / 15:442РусŁacБел

«Што за феерычная ідыётка!» Пасля небяспечнага сэлфі пасажырку круізнага лайнера высадзілі ў першым жа порце ФОТА

Пра выпадак на лайнеры фларыдскай кампаніі, які рабіў круіз па Карыбскім моры, выданню USA.ONE распавёў сведка.

Пасажыр Пітэр Блосіч апублікаваў у сацсетках фота, на якім дзяўчына ў блакітным купальніку пералезла праз парэнчы і стаіць з паднятымі над галавой рукамі.

Фота: Facebook/Peter Blosic

«Стаў відавочцам вось гэтага на «Allure». Што за феерычная ідыётка! Вы не зваліцеся з карабля, калі не будзеце паводзіць сябе, як прыдуркі!» — напісаў Пітэр Блосіч.

Ён расказаў, што тут жа паведаміў пра інцыдэнт персаналу карабля.

«Я паказаў фота пакаёўцы, якая перадала яго начальніку персаналу, і яны хутка вылічылі, з якой каюты была пасажырка», — адзначыў мужчына.

Калі лайнер прышвартаваўся ў Фалмуту, Ямайка, безразважную пасажырку знялі з карабля.

Royal Caribbean на афіцыйным сайце заяўляе, што невыкананне правілаў можа прывесці да «выдалення з карабля ў першым жа порце».

Летась кампанія Royal Caribbean пажыццёва забараніла аднаму з пасажыраў з'яўляцца на іх караблях пасля таго, як ён скокнуў у ваду з 11-й палубы.

Паводле нядаўняга даследавання, за 2011—2017 гады падчас сэлфі загінулі 259 чалавек.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031