У Нямеччыне затрымалі банду з Беларусі, якая рабавала грузавікі
У Нямеччыне затрыманыя члены банды з Беларусі, якая займалася крадзяжом тавараў з грузавікоў, паведамляе DW.
Чатырох членаў банды, уключаючы яе кіраўніка, злавілі на месцы злачынства 10 кастрычніка. У ходзе затрымання была канфіскавана фура з выкрадзенымі тэлевізарамі.
У склад банды ўваходзілі сама меней шэсць грамадзян Беларусі. Яны кралі тавары з грузавікоў на паркоўках і ў зонах адпачынку ўздоўж аўтатрас. Пераважна банда арудавала ў Ніжняй Саксоніі, але таксама вядома аб яе датычнасці да аналагічных злачынстваў у Францыі. У распараджэнні групоўкі было некалькі легкавых аўтамабіляў і фур для перавозкі крадзенага ў іншыя краіны.
У аперацыі па лоўлі падазраваных удзельнічалі праваахоўныя органы Германіі і Францыі, а таксама прадстаўнікі ўладаў Чэхіі і Еўрапола.