Даслаць навіну
Знайсці
19.10.2019 / 09:37 10

«І банкноты з Янкам Купалам». У Нацбанку запрацаваў музей грошай

Грошы, якія выйшлі з ужытку, або сталі непрыдатнымі для выкарыстання, Нацыянальны банк утылізуе. Іх рэжуць на дробныя кавалачкі, прэсуюць, а затым спальваюць. Дык вось, неяк у банку палічылі, што чаго дарма спальваць грошы, калі можна іх пусціць на карысць. І прыдумалі такую штуку. Разам з адной цагельняй банк паспрабаваў рабіць цэглу. Грошы падмешвалі ў гліну, а калі яе разам з паперай абпальвалі, папера, што згарала хутчэй, утварала поласці ў гліне, ад чаго падвышаліся яе будаўнічыя якасці.

Павялічыць выяву

Так выглядала «грашовая» цэгла.

Але калі палічылі, колькі каштуе вытворчасць такой цэглы, ад гэтай ідэі вырашылі адмовіцца.

Пра гэтую і многія іншыя цікавосткі, звязаныя з гісторыяй грошай у Беларусі, расказала супрацоўніца банка, а цяпер і дырэктарка музея грошай Аляксандра Вараб’ёва.

Павялічыць выяву

Аляксандра Вараб’ёва.

Адкрыццё музея грошай у Нацыянальным банку прымеркавалі да 25-годдзя заканадаўчага замацавання беларускага рубля ў якасці адзінага законнага плацежнага сродку Рэспублікі Беларусь, які адзначаецца 19 кастрычніка.

Абноўленая экспазіцыя музея размясцілася ў былым грашовым сховішчы банка.

У цэнтры залы — вітрына, аздобленая папараццю, якая зацвіла.

Павялічыць выяву

У Нацыянальным банку так уяўляюць кветку папараці. 

«Мы вырашылі абыграць самую знакамітую беларускую легенду пра тое, што той, хто знойдзе папараць-кветку, таму адкрыюцца ўсе зямныя скарбы», — распавядае Аляксандра Вараб’ёва.

А ў музейных вітрынах, сапраўды, скарбы, якія ў розныя часы знаходзілі на Беларусі. Прычым некаторыя манеты ўнікальныя і аналагаў іх няма ні ў адным беларускім музеі.

Пражскія грошы, арабскія дырхемы, галандскія дукаты, літоўскія паўгрошы, шатландскі цёрнэр, заходнееўрапейскія талеры і нават срэбныя манеты Іспанскай імперыі прадстаўленыя ў экспазіцыі музея.

Павялічыць выяву

Расійскія капейкі і кавалак бурштыну, які ў свой час быў таксама грашовым сродкам. 

«Так, і іспанскія манеты знаходзілі на Беларусі. І гэта сведчыць пра тое, што ў 16 стагоддзі актыўную дзейнасць разгарнулі піраты. Яны захоплівалі іспанскія караблі, манеты пускалі ў гандаль. А манеты каштоўныя, срэбраныя ж, яны ў гандляроў цаніліся. І такім чынам траплялі і ў Беларусь», — расказвае Аляксандра Вараб’ёва.

Для тых, хто часта выкарыстоўвае ў сваёй гаворцы прыказку: «Уставіць свае пяць капеек», але не ведае, як выглядаюць тыя самыя хрэстаматыйныя пяць капеек, у экспазіцыі музея можна было ўбачыць. Канечне, справядлівасць таго, што менавіта ад гэтых манет 18 стагоддзя пайшоў гэты выраз, спрэчная. Але тое, што гэтыя манеты адметныя, спрэчкі няма ніякай.

Павялічыць выяву

Вядомы факт, што менавіта такімі 5-капеечнымі манетамі Ламаносаву заплацілі дзяржаўную прэмію 2000 рублёў. Прэмія важыла больш за тры тоны, і каб даставіць яе «лаўрэату», спатрэбілася сем вазоў.

Ёсць у музеі і драматычна-рамантычная гісторыя, звязаная са скарбам.

Павялічыць выяву

«Верагодна нейкі гусар 19 стагоддзя выйграў у карты вялізную суму грошай. Ён на радасцях адбіў горла ў бутэльцы ад шампанскага і высыпаў туды 80 польскіх і прускіх грошай, і закапаў яе. Мяркую, што лёс гусара склаўся трагічна, бо па свой скарб ён так і не вярнуўся. Магчыма, загінуў на вайне, а магчыма і на дуэлі», — кажа Аляксандра Вараб’ёва.

Павялічыць выяву

Ёсць у музеі і экспанаты кшталту «а як магло б быць».

Проста зірніце, як выглядалі б беларускія грошы ў 1992 годзе, каб зацвердзілі гэты макет.

Павялічыць выяву

Павялічыць выяву

Павялічыць выяву

Павялічыць выяву

А так маглі выглядаць грошы ўзору 2000 году.

Павялічыць выяву

Наталля Тур, фота аўтара 

2
Патомак ВКЛ / адказаць
19.10.2019 / 22:05
Tuteishi, талер не будет вводиться в обращение, так как после его изготовления в Германии , перевоза в  Мачулищи грузовыми самолетами ИЛ-76 весом около 40 тонн, они около 10 лет хранились в спецхранилище для ядерных боеприпасов и были уничтожены по распоряжению гаранта независимости Беларуси.
1
ВЛКСМ / адказаць
19.10.2019 / 23:01
Патомак ВКЛ, это были не талеры, а рубли. Образцы банкнот пару лет назад были проданы на аукционе, изображения банкнот есть в интернете. Талеры никогда не печатались.
0
Tuteishi / адказаць
19.10.2019 / 23:12
Патомак ВКЛ, Талер можно напечатать и в Беларуси. Ранее талер ни в какой Германии не печатался.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30