Даслаць навіну
Знайсці
18.10.2019 / 18:02 15

«Паляць машыны і шкодзяць Барселоне» — беларуска, якая жыве ў Каталоніі, распавяла пра пратэсты

Настасся Саўкіна — беларуска, якая жыве ў Барселоне ўжо 6 гадоў. Яна працуе на сябе, займаецца арганізацыяй івэнтаў. Яна распавяла «Нашай Ніве» як пратэсты ў Каталоніі ўспрымаюцца знутры рэгіёна праціўнікамі аддзялення Каталоніі ад Іспаніі.

Павялічыць выяву

Настасся Саўкіна

Нагадаем, што ў Каталоніі праходзіць усеагульны страйк пратэсту супраць прысудаў, якія атрымалі каталонскія незалежніцкія лідары. Іх асудзілі на працяглыя тэрміны пазбаўлення волі.

Павялічыць выяву

«Я сама ніколі не падтрымлівала незалежнасць Каталоніі, бо я не згодная з тым, як гэта робіцца. Мне не блізкая ані пазіцыя Мадрыда, ані пазіцыя Каталоніі. Проста таму, што ўсё робіцца з вялікай колькасцю памылак, няма дыялогу зусім, — распавядае Настасся. —

Я не веру, што тут не замяшаныя грошы. Здаецца, палітыкі проста адмываюць грошы, прыкрываючыся незалежнасцю, маўляў, будзе рай на зямлі пасля аддзялення.

Але я так не лічу, што будзе рай. У ЕС незалежную Каталонію найхутчэй не возьмуць, бо Іспанія накладзе вета. Порт Барселоны будзе нікому не патрэбны, прыйдзецца наноў дамаўляцца з кампаніямі…

Чытайце іншае меркаванне: «Беларус па нараджэнні, каталонец па перакананнях». Беларус з Барселоны бярэ ўдзел у руху за незалежнасць Каталоніі

Вялікая праблема прыхільнікаў незалежнасці Каталоніі, што ў іх няма дакладнага і канкрэтнага плана. Ніхто не агучвае канкрэтных рухаў і дэталяў. Думаюць, аддзеляцца і будуць маленькай і вельмі багатай краінай, будуць як Швейцарыя. Так, сёння Каталонія — адзін з найбагацейшых рэгіёнаў, прамысловасць на уздыме. Але ці застанецца гэта на тым жа ўзроўні пасля аддзялення?

Я ўспрымаю пратэсты зусім не пазітыўна. Усё гэта вельмі кепска для бізнэсу, асабліва для малога бізнэсу. Ды і шмат якія буйныя кампаніі сыходзяць з рэгіёна. Калі 2 гады таму быў нелегальны рэферэндум, то некалькі тысяч кампаній перанеслі свае офісы ў іншыя рэгіёны ці зусім сышлі з Іспаніі. Напрыклад, адзін з банкаў перавёз галоўны офіс у суседні рэгіён».

Цяпер у горадзе на вуліцах амаль адны пратэстоўцы, кажа Настасся.

«Сёння амаль не працуе транспарт: метро працуе, але толькі палова станцый, у час пік увогуле 30%. Горад як вымер, бо сёння усе кампаніі, у сувязі з пратэстамі, далі людзям дазвол працаваць з дома. Таму на вуліцах амаль толькі тыя, хто бастуе.

Вуліцы перакрытыя, шмат паліцыі. Ну і пратэстоўцаў, канечне. Часам яны паляць машыны, учора і пазаўчора прынамсі было некалькі выпадкаў у цэнтры. Прычым, гэта выпадковыя машыны простых людзей, якія стаяць на вуліцы.

Праўда, аэрапорт разблакавалі ўжо.

Я не ведаю, чым гэта скончыцца. Ужо, як сказалі ў навінах, нанесеная шкода для Каталоніі памерам 1,5 мільёна еўра. Магчыма, пратэсты працягнуцца, бо пакуль нічога не дабіліся. Я лічу, што ўвогуле пратэстоўцы мусяць ехаць у Мадрыд, там жа прымаюцца рашэнні, а не граміць Барселону. Бо так нашкодзіць свайму гораду, як гэта робяць пратэстоўцы, трэба яшчэ пастарацца.

Дарэчы, амаль усё рускамоўнае насельніцтва таксама ўспрымае пратэсты вельмі негатыўна. Пазітыўна глядзяць на іх толькі тыя, хто замужам за каталонцамі ці жанатыя з каталонкамі. Але такіх людзей нямнога і яны амаль усе таксама на вуліцах».

Улад Швядовіч

2
Лістападаўскі Ґаспадар / адказаць
19.10.2019 / 11:11
Андрюха Горец (Беларусь Витебск ), Гэта называецца нацыя. Паляк дзе б ня жыў не перестае быць палякам. Як й беларус.
0
меркаванне / адказаць
19.10.2019 / 11:16
А чаму збегла з "самава мірнава клачка землі"? тут "жэстачайшы парадак", вяртайся!
9
Па-коласаўску мудры / адказаць
19.10.2019 / 19:54
Усё правільна кажа гэтая беларуска. Яна прыехала ні якую не Каталонію - яна прыехала ў Іспанію дзеля спакайнейшага жыцця. І яе абурэнне сепаратысцкімі шабашамі цалкам зразумелае.
Дзіўлюся, як людзі, што асуджаюць анэксію Крыма з Абхазіяй і Паўночнай Асеціяй, расійскую вайну супраць Украіны на Данбасе, пры гэтым ухваляюць сепаратызм у Сербіі (т.зв. Косава) і Іспаніі. Маўляў, гэта зусім іншае, не мяшай боб з гарохам і да т.п. ліберальны шлак.

А тады як наконт Віцебскай ды Магілёўскай народных рэспублік ды Рэспублікі Палесся? Будзьма паслядоўнымі, спадарства! Не дудзіце ў адну дудку з Расіяй, якая таксама падтрымлівае каталонскі сепаратызм, каб апраўдаць свой захоп Крыма. Сепаратызм - інварыянтнае зло.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30