Даслаць навіну
Знайсці
18.10.2019 / 17:58 6

«Беларус па нараджэнні, каталонец па перакананнях». Беларус з Барселоны бярэ ўдзел у руху за незалежнасць Каталоніі

Каталонцы працягваюць упарта дабівацца незалежнасці. Пратэсты ахапілі ўсю гэтую краіну. Вось што пра гэта піша беларус Павел Кірылёнак, які жыве ў Барселоне і падтрымлівае каталонскі незалежніцкі рух. «Беларус па нараджэнні, чэх па пашпарце, каталонец па перакананнях», — так ён прэзентуе сябе ў фэйсбуку.

Павел Кірылёнак задаецца пытаннем, колькі часу спатрэбіцца Мадрыду, каб зразумець, што пратэсты на гэты раз сур'ёзныя, што пратэстная хваля не сыдзе так хутка і так проста. 

Яшчэ Паўлу кінулася ў вочы, што на пратэстах надзвычай шмат маладых дзяўчат: «Наогул, учора быў проста здзіўлены колькасцю далікатных юных паннаў ва ўзросце 16—20 гадоў, якія ў масках і балаклавах будавалі барыкады і бегалі ад паліцыі. Ледзь не галоўная рухаючая сіла пратэстаў!»

Чытайце іншае меркаванне: «Паляць машыны і шкодзяць Барселоне» — беларуска, якая жыве ў Каталоніі, распавяла пра пратэсты

Спадар Кірылёнак нават параўноўвае маршы людзей на аўтастрадах з вядомым паходам якуцкага шамана ў Маскву. Параўнайце і вы: 

«Каталонскі радыкальны пратэст проста цяпер.

Моладзь, калі не сказаць — дзеткі (шмат каму па 16—17 гадоў на выгляд), у колькасці пары дзясяткаў тысяч чалавек гуляюць у мячыкі і спяваюць песенькі.

Па перыметры яны акружаны сотняй фургонаў з паліцыяй, зверху вісяць паліцэйскія верталёты.

Поўны сюррэалізм», — так апісаў Павел тое, што адбываецца на відэа: 

У спробах патлумачыць прычыны пратэсту беларус прыводзіць лічбы грамадскага апытання: паводле іх, 80% каталонцаў лічаць, што рэгіён мае патрэбу ў большай ступені самастойнасці, чым мае цяпер — няхай гэта будзе незалежная дзяржава, суб'ект федэрацыі або проста больш шырокая ступень аўтаноміі ў складзе Іспаніі, 79% каталонцаў падтрымліваюць правядзенне рэферэндуму аб незалежнасці Каталоніі, 15% — супраць рэферэндуму».

А яшчэ Павел Кірылёнак працуе ў сферы турыстычнага бізнэсу і сакавіта апісвае каталонскую культуру, прыроду і кухню. У ціхія дні.

NN.by

4
Электробус / адказаць
20.10.2019 / 10:18
...фээсбэшнік па ведамасці
2
Alehna / адказаць
21.10.2019 / 19:52
Клоун
1
Ліцьвін металіст / адказаць
22.10.2019 / 14:59
Ёсьць у беларусаў звычка праслаўляцца на чужых рэвалюцыях і змаганьнях, яны робяць гэта аддана, і дабіваюць павагі і посьпеху, Касьцюшка як прыклад з гісторыі, але ёсьць адна праблема, вельмі шмат пораху і энэргіі яны трацяць на чужое шчасьце, хай бы лепш гэта дзеля роднай зямлі рабілі.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30