Лукашэнка: Усё жыццё маё — як вавёрка ў коле
Падчас сустрэчы са слухачамі і выкладчыкамі Акадэміі кіравання Аляксандр Лукашэнка расказаў пра свой працоўны графік.
У Лукашэнкі пацікавіліся, як ён паспявае зрабіць такую вялізную колькасць спраў і ці ёсць час на адпачынак.
«У прынцыпе магу выбраць час, каб пайсці ў лес і пасмажыць шашлык, напрыклад. Але загадзя, каб у мяне мерапрыемстваў не было, — расказаў Аляксандр Лукашэнка. — Таму не трэба думаць, што прэзідэнт сядзіць з раніцы да ночы і ноч не спіць, паперы варушыць, а потым рэктара акадэміі прымае, кіраўніка Адміністрацыі, потым кадравы дзень і гэтак далей. Усё жыццё маё (думаю, і іншых прэзідэнтаў) — як вавёрка ў коле. Ускочыў і круцішся, бегаеш. Як 25 гадоў можна бегаць? А ты прывык. Кола круціцца — куды дзявацца. Калі бегчы не будзеш, кола будзе круціцца і цябе кідаць. Гэта лад жыцця. Ты ўжо да гэтага прызвычаіўся».
