Трамп — Эрдагану: Не будзь дурнем
У дзень пачатку турэцкай аперацыі ў Сірыі — 9 кастрычніка — прэзідэнт ЗША Дональд Трамп накіраваў ліст лідару Турцыі Рэджэпу Эрдагану. У ім ён заклікаў турэцкага прэзідэнта «не быць дурнем» і «не строіць з сябе крутога хлопца», паведамляе Радыё Свабода
White House confirms authenticity of Trump letter to Erdogan, dated 10/9: “History... will look upon you forever as the devil if good things don’t happen. Don’t be a tough guy. Don’t be a fool! I will call you later.”
First reported by Fox Business. pic.twitter.com/lImxfhb2j1
У лісце, тэкст якога публікуе CNN, Трамп пераконвае Эрдагана пайсці на ўзаемавыгадную здзелку з кіраўніцтвам сірыйскіх курдаў, якія кантралююць значную тэрыторыю на поўначы Сірыі. Таксама Трамп папярэджвае Эрдагана, што ў выпадку ўварвання турэцкай арміі ў Сірыю прэзідэнт Турцыі будзе несці адказнасць за гібель тысяч людзей. Амерыканскі прэзідэнт дадаў, што адказам на такі крок стане «разбурэнне» турэцкай эканомікі ў выніку амерыканскіх санкцый.
Сапраўднасць паслання пацвердзілі прадстаўнікі Белага дома.