Даслаць навіну
Знайсці
16.10.2019 / 18:09

Мужчына 6 год хаваўся ад міліцыі ў лесе, а жыў з нарабаванага

Як піша прэс-сакратар МУС Вольга Чамаданава ў сваім тэлеграм-канале, гэтая гісторыя пачалася ў Рагачоўскім раёне ў 2013 годзе. Невядомы рэгулярна падчышчаў дачы і вясковыя хаты, пакінутыя на зіму. Сышчыкі выйшлі на след 47-гадовага мясцовага жыхара, які мог быць датычны да крадзяжоў, аднак мужчына раптам знік, і на некаторы час крадзяжы спыніліся. Але ненадоўга…

Праз некалькі месяцаў з дамоў зноў пачалі знікаць прадукты, посуд, адзенне, бытавая хімія, сродкі гігіены, газавыя гарэлкі, свечкі, батарэйкі, ліхтарыкі, радыёпрымачы. Па наборы прадметаў аператыўнікі зрабілі выснову, што злодзей дачнага скарбу жыве аўтаномна, удалечыні ад выгод цывілізацыі.

На днях адзін з паляўнічых распавёў мясцоваму ўчастковаму, што сустрэў у лесе дзіўнага мужчыну з роварам. Паколькі гэтыя месцы зусім не карыстаюцца папулярнасцю ў грыбнікоў, міліцыянт неадкладна выехаў на месца. Паглыбіўшыся ў гушчар прыкладна на 4 кіламетры, участковы наткнуўся на будынак з бярвення, перакладзенага мохам.

Усярэдзіне на ложку спаў чалавек у бушлаце і шапцы. Калі ўчастковаму ўдалося пабудзіць мужчыну, ён пазнаў у ім вяскоўца, які на працягу апошніх 6 гадоў адшукваецца за крадзяжы. Яго затрымалі і прывезлі ў райаддзел.

Павялічыць

Павялічыць

Павялічыць

Мужчына распавёў, што, калі ім зацікавіліся аператыўнікі, ён кінуўся на ўцёкі. Збег вясковец у Расею, дзе нелегальна працаваў. Калі наймальнік падмануў і не заплаціў, беларусу прыйшлося вярнуцца на радзіму. Каб не апынуцца за кратамі, ён стаў пустэльнікам: пабудаваў у лесе хаціну, забяспечваў сябе за кошт крадзяжоў. Выходзіў «на справу» выключна ўначы, браў толькі неабходнае ў побыце. Ежу мужчына гатаваў на газавай гарэлцы і вогнішчы, жыллё асвятляў ліхтарыкам і свечкамі. Чалавечую мову чуў у асноўным з радыёпрымача. Толькі зрэдку ён выходзіў на бераг Дняпра, дзе размаўляў з адпачывальнікамі і рыбакамі.

Распачаты крымінальныя справы па ч. 2 арт. 205 КК Беларусі «Крадзеж». Вядома пра больш як 40 эпізодаў крадзяжоў у Рагачоўскім і Жлобінскім раёнах.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31