Даслаць навіну
Знайсці
16.10.2019 / 17:51 24

Чачэнец даслаў у Адміністрацыю прэзідэнта пагрозы «зладзіць бардак» у Беларусі ў адказ на дзеянні мытнікаў

У Адміністрацыю прэзідэнта прыйшла незвычайная скарга ад некага Іслама Ахмадава, які ў вельмі рэзкіх фармулёўках гразіцца ўспомніць «чачэнскія законы». «Як могуць чачэнцы рабіць бардак у адказ, я думаю, усе ведаюць», — пагражае аўтар скаргі.

Тэкст яго звароту апублікаваў у сваім канале журналіст Арцём Гарбацэвіч. 

Павялічыць выяву

Ахмадаў наракае на нібыта вымагальніцтвы і неабгрунтаваныя праверкі з боку беларускіх мытнікаў і пагранічнікаў. 

Як стала вядома «Нашай Ніве», праз гэтую скаргу Адміністрацыя прэзідэнта разаслала па рэгіянальных мытнях патрабаванне разабрацца ў сітуацыі і патлумачыць, што за праблемы былі ў гэтага чалавека пры перасячэнні граніцы. 

Павялічыць выяву

Як сказалі «Нашай Ніве» у Мытным камітэце, праверка яшчэ не скончаная. 

Але сама пазіцыя Ахмадава выклікае пытанні — мы звязаліся з ім па электроннай пошце і папрасілі ўспомніць, пры якіх абставінах, калі і дзе канкрэтна з яго спаганялі грошы беларускія мытнікі і пагранічнікі. 

Ён адказваў «Нашай Ніве» ў тым жа стылі, у якім пісаў ліст Лукашэнку. 

«Вы не ў курсе, што мытнікі і пагранічнікі Беларусі парушаюць мясцовыя і міжнародныя законы ў дачыненні да чачэнцаў, якія маюць права перасякаць вашую краіну транзітам? Прыдзіркі, вымагальніцтвы — малая частка праблем, з якімі чачэнцы сутыкаюцца на вашай граніцы. Мы, чачэнцы, не прывыклі трываць абразы ні ад каго і трываць не будзем! Асабіста ў мяне праблем не было, у мяне хапае прававых дакументаў, праблемы былі ў прыватнасці ў маіх бацькоў, якім за 60 гадоў, ва ўсіх маіх знаёмых, якія перасякалі граніцу. Прыдзіраюцца, у прыватнасці, да медыцынскіх прэпаратаў, на якія ёсць прадпісанні ад еўрапейскіх дактароў, гэта сталінізм!» — напісаў ён. 

Мы звярнуліся да мытнікаў і пагранічнікаў, якія працуюць непасрэдна ў пунктах пропуску. Яны патлумачылі нам, што вымагальніцтвы на граніцы выглядаюць неймавернымі. 

«На работніках і ў памяшканнях беларускай мытні цяпер стаяць камеры. Можа ён блытае беларускую з расійскай граніцай? — пасмяяўся мытнік. — Калі забароненае рэчыва спрабуюць правезці ў Беларусь, то праблемы ўзнікнуць не толькі ў чачэнцаў. Але да іх увага заўсёды была і застанецца пільнай, таму што фіксуюцца факты спробаў уезду пад чужымі пашпартамі, вельмі разняволенае стаўленне да парадку правозу рэчаў, у сувязі з чым кожны правяраецца больш пільна для падстрахоўкі».

NN.by

0
Кабачок / адказаць
17.10.2019 / 10:43
Шо за халявой в ЕС не пустили?
0
гыгыгы / адказаць
17.10.2019 / 19:40
шлёма, навошта вы б еце чачэнцау? Вы што антысямит?
0
Грамазека / адказаць
18.10.2019 / 10:26
Усе ведаюць, як чэчэнцы робяць бардак, малайдзец што прызнауся, а путнае што-небудзь могуць
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30