Кот у Расіі быў наркакур'ерам, яго затрымалі ў якасці рэчавага доказу, але ён здолеў збегчы
Следства па справе аб дастаўцы наркотыкаў у Тульскую выпраўленчую калонію №6 (ВК-6) згубіла галоўны рэчавы доказ — ката, пры дапамозе якога дастаўляліся забароненыя рэчывы. Гісторыю апісаў «Камерсант».
Следчыя змясцілі жывёлу ў зоакуток «на адказнае захоўванне», аднак кот збег адтуль. Абарона галоўнага фігуранта справы, Эдуарда Долгінцава, лічыць, што страта ката пазбаўляе адвакатаў магчымасці правесці следчы эксперымент і праверыць, ці сапраўды жывёла магла пераносіць наркотыкі.
Як заявіў адвакат Дзмітрый Сотнікаў, адказных за захоўванне ката неабходна пакараць, а саму справу — закрыць з-за страты меркаванай прылады злачынства.
Асуджаны ВК-6 Долгінцаў вырашыў наладзіць пастаўкі наркотыкаў зняволеным з-за межаў папраўчай установы. Для гэтага абвінавачаны вырашыў выкарыстоўваць народжанага ў калоніі ката, які часам пакідаў яе тэрыторыю праз невялікі лаз.
Як лічыць абвінавачванне, у ліпені 2018 года знаёмы Долгінцава надзеў на ката ашыйнік з таемнай кішэнькай і паклаў туды скрутак з наркотыкамі. Аднак план не спрацаваў - мужчыну затрымалі, кот, прызнаны рэчдокам «шэра-бела-чорнага колеру», быў адпраўлены на ператрымку ў мясцовы зоакуток, а асуджаны Долгінцаў пайшоў пад суд. Пазіцыя абвінавачванні будуецца на паказанні трох сакрэтных сведак, якія заявілі, што заказвалі ў абвінавачанага наркотыкі і могуць апазнаць ката-наркакур'ера.