У Каталоніі пачаўся трохдзённы марш на Барселону
Калоны прыхільнікаў незалежнасці Каталоніі накіроўваюцца з розных гарадоў у Барселону, каб прыбыць туды ў пятніцу і прыняць удзел ва ўсеагульным страйку.
Усяго да каталонскай сталіцы ідуць пяць калон — з Жыроны (у ёй, па дадзеных праваахоўных органаў, каля дзесяці тысяч чалавек), Віка, Бергі, Тарэгі, Тарагона.
Так званы «Марш за свабоду» праходзіць па ініцыятыве грамадскіх арганізацый Каталонская нацыянальная асамблея (КНА) і Omnium Cultural, чые лідары Жорзі Санчэс і Жорзі Куішар прысуджаныя Вярхоўным судом да дзевяці гадоў зняволення ў сувязі з датычнасцю да правядзення рэферэндуму аб незалежнасці ў 2017 годзе. Акцыю падтрымала радыкальная арганізацыя «Камітэты абароны рэспублікі».
За тры дні калоне трэба прайсці каля ста кіламетраў. Як заявілі арганізатары, на ідэю правядзеньня маршу іх «натхніў» «Саляны паход» у Індыі прыхільнікаў Махатма Гандзі ў 1930 годзе і «Марш на Вашынгтон» Марціна Лютэра Кінга ў 1963 годзе.
