Даслаць навіну
Знайсці
02.12.2019 / 17:31 6

Як магній уплывае на наш арганізм і чаму важна не дапусціць яго дэфіцыту

Ці задумваліся вы, што абмен рэчываў у арганізме залежыць ад макраэлемента, якога ў нашым арганізме ўтрымліваецца ўсяго толькі адна сталовая лыжка — 20 грамаў?

Гаворка пра макраэлемент магній.

Вікторыя Болбат, доктар-эндакрынолаг і дыетолаг 5-й гарадской клінічнай паліклінікі, расказала галоўнае, што трэба ведаць пра магній, для чаго ён патрэбны і адкуль яго браць.

Павялічыць выяву

Вікторыя Болбат, доктар-эндакрынолаг, дыетолаг.

«Больш за ўсё магнію ў касцях, зубах і самых «нагружаных» органах: цягліцах, сэрцы, нырках, печані, мазгах. Чым больш высокафункцыянальны орган, тым больш магнію мы там знойдзем», — тлумачыць Вікторыя Болбат.

Магній уваходзіць у склад велізарнай колькасці ферментаў, якія ўдзельнічаюць у абмене рэчываў.

«З гэтай прычыны сімптомы дэфіцыту магнію могуць быць вельмі рознымі: ад выпадзення валасоў і болю ў жываце да дэпрэсіі, галюцынацый і зніжэння лібіда. Але часцей за ўсё на фоне дэфіцыту магнію мы сутыкаемся з сутаргамі і «мурашкамі» ў целе. У сталых людзей недахоп магнію можа выклікаць павышэнне ціску».

Трэба адзначыць, што цяжарныя жанчыны, а таксама людзі, якія жывуць у хранічным стрэсе ці якія злоўжываюць алкаголем, маюць усе шанцы займець дэфіцыт магнію ў арганізме.

«Працяглы дэфіцыт магнію можа прывесці да ўзнікнення хвароб сэрца і сасудаў, бранхітаў і бранхіяльнай астмы, сіндрому дэфіцыту ўвагі і гіперактыўнасці ў дзяцей. А вось лішак магнію атрымаць складаней. Для гэтага трэба мець, як мінімум, цяжкую нырачную недастатковасць. У іншых выпадках ныркі могуць справіцца з магніем даволі аператыўна», — кажа доктар.

Павялічыць выяву

Кальцый і магній — два паліцэйскія ў нашым арганізме

Магній далёка не адзіны патрэбны макраэлемент у нашым арганізме. Найчасцей, згадваючы магній, мы ўспамінаем і кальцый.

«Каб было прыкладна зразумела, як магній звязаны з кальцыем, можна ўявіць метафару «добры і злы паліцэйскі»: кальцый «напружвае», а магній «расслабляе». І хоць, здаецца, яны зусім процілеглыя па сваім дзеянні, менавіта іх баланс прыводзіць да нармальнай рэгуляцыі работы цягліц, біцця сэрца, актыўнасці нервовых імпульсаў. І звязвае іх не толькі гэта: магній, як і кальцый, усмоктваецца пры ўдзеле вітаміна Д. Абмен магнію, як і абмен кальцыю, рэгулююць маленечкія, але такія важныя каляшчытападобныя залозы», — расказвае Вікторыя Болбат.

Каб быць упэўненымі, што ваш арганізм правільна працуе і вам не пагражае дэфіцыт магнію, доктар-эндакрынолаг раіць дадаваць у свой рацыён некаторыя прадукты.

Павялічыць выяву

Фота Danijela Maksimovic, Shutterstock.

«Магній ёсць ва ўсіх натуральных прадуктах, як раслінных, так і жывёльнага паходжання. Асабліва шмат яго ў арэхах, семачках, марскім багавінні і бабовых», — кажа Вікторыя Болбат.

Калі вы сябе добра адчуваеце, доктар не раіць прыбягаць да розных лекавых прэпаратаў.

«Калі вы нармальна сябе адчуваеце, не абавязкова прымаць дадатковыя прэпараты з магніем. Калі ж выяўлены дэфіцыт магнію, неабходна перш за ўсё знайсці яго прычыну. Лячэнне ў гэтым выпадку будзе прызначаць доктар — лекавымі сродкамі з даказанай эфектыўнасцю ў дачыненні да канкрэтнай паталогіі», — кажа доктар-эндакрынолаг.

Наталля Тур 

1
NavuchencaBK / адказаць
03.12.2019 / 15:59
Пераясьцё АЕвіта і таксама будуць сутаргі, што нярэдка у асобаў, каму з-за авітамінозу дахтары прапісваюць комплесныя вітаміны, а ім грошай не стае. Прасоўваньне прадукта.
1
Матёрый / адказаць
03.12.2019 / 17:26
Переодически сдавайте кровь на ТТГ (щетовидна). Усталость, сонливость, раздрожительность пройдёт.
1
Ганулька / адказаць
04.12.2019 / 17:24
В Беларуси не продают нормальных орехов в упаковке. То, что я вижу в магазинах, - нетоварный продукт, кандидат на место на свалке.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31