За год у Мінску цэны на новабудоўлі выраслі на 4% — аналіз рынку ад экспертаў
Рынак новай нерухомасці Беларусі ў нейкі момант перастаў расці, а наадварот — пайшоў на спад па колькасці збудаванага жытла.
Аднак цана на новыя кватэры павольна, але ўсё ж падымаецца.
Новых дамоў сталі будаваць меней
Апошнія гады новага жытла будуецца менш. Па дадзеных каталога новабудоўляў Korter.by (был. Flatfy), пік па колькасці ўведзенага ў эксплуатацыю жытла прыйшоўся на 2016 год, тады былі пабудаваныя і здадзеныя дамы ў 188 жылых комплексах.
Пачынаючы з 2014 года і дагэтуль карціна прыкладна такая:
У 2014 — пабудаваны 51 жылы комплекс
У 2015 — 128 ЖК
У 2016 — 188 ЖК
У 2017 — 173 ЖК
У 2018 — 141 ЖК
У 2019 — 79+59 = 138 ЖК максімум.
Сёлета ёсць здадзеныя дамы і чэргі ў 79 жылых комплексах і ў агульнай колькасці будуецца яшчэ 59 ЖК. Нават калі ўсе ўвядуць у эксплуатацыю, гэта ўсё ж будзе крыху менш, чым за апошнія пару гадоў.
Што і як будзе далей, даведаемся з часам. Але свае здагадкі наконт таго, што ў далейшым будуць будаваць больш жылля або менш, вы можаце пакінуць у каментарах.
Па чым прадаюць кватэры забудоўшчыкі?
Увосень забудоўшчыкі спрабуюць падняць кошты. Гэтая восень не выключэнне. Калі зойдзеце на сайт Korter.by, па асобных ЖК ў дынаміцы заўважыце, што цана з верасня патроху падымаецца.
Сярэдняя цана на новабудоўлі Мінска на канец верасня — пачатак кастрычніка 2019 года склала 2 617,88 BYN (1259.92$), у той час як год таму ў той жа перыяд жытло ў новабудоўлях прадавалі па 2 491,30 BYN (1208,9$), то-бок за год цана у сярэднім вырасла на 4%.
Кватэры ў новабудоўлях у Мінскай вобласці ў сярэднім нашмат таннейшыя за сталічныя — 1 720,8 BYN (828.2$), хаця летась у гэты ж перыяд кошт за межамі сталіцы быў крыху вышэйшы — 1788.98 BYN (868,1$).
Як адрозніваецца цана ў розных раёнах Мінска за м2:
- Цэнтральны — 2657,4 BYN (1284.3$)
- Заводскі — 2586,4 BYN (1250$)
- Фрунзенскі — 2299,2 BYN (1114.1$)
- Савецкі — 2709,8 BYN (1309.6$)
- Партызанскі — 3432,7 BYN (1659$)
- Першамайскі — 2746,2 BYN (1327.2$)
- Ленінскі — 2379,5 BYN (1150$)
- Кастрычніцкі — 2286,4 BYN (1105$)
- Маскоўскі — 2390,1 BYN (1155.1$)
Адносна класавасці жытла, ад эканом да прэміум, цана па Мінску мяняецца так:
- Эканом-клас — 2386.9 BYN (1156.7$)
- Камфорт-клас — 2587.5 BYN (1253.9$)
- Бізнэс-клас — 2798.6 BYN (1356.2$)
- Эліт-клас — 3707.4 BYN (1796.6$)
Самыя танныя квадратныя метры ў сталіцы можна набыць у ЖК Minsk World, там цана стартуе ад 2 036 BYN / м2 (985$).
Самыя дарагія кватэры ад забудоўшчыка прадаюцца цяпер у жылым комплексе D3, там квадратны метр жытла будзе каштаваць ад 4 236 BYN (2054$).
У рэгіёнах Беларусі, вядома, цэны на кватэры ледзь не ў пару разоў ніжэйшыя.
- Брэст — 1649,3 BYN (797.1$)
- Віцебск — 1318,9 BYN (637.4$)
- Гомель — 1191,6 BYN (575.9$)
- Гродна — 1377,2 BYN (665.6$)
- Магілёў — 1383,02 BYN (668.4$)
Усе цэны лічыліся на падставе дадзеных Korter.by — сэрвіса для выбару кватэр у ЖК ад забудоўшчыкаў. Зручны пошук у анлайн-каталогу новабудоўляў, інфармацыя пра цэны, падрабязная карта для пошуку новабудоўляў, аэрааблёты, ход будаўніцтва і штотыднёвае абнаўленне базы!
