Даслаць навіну
Знайсці
14.10.2019 / 14:45 45

Пракапеня раскрыў дэталі нарады ў Лукашэнкі: незадаволенасць Карпенкам, школы пры ПВТ і крэдыты ўсім ахвотным на ІТ-адукацыю

Павялічыць выяву

У Палацы Незалежнасці пасля сустрэчы з прэзідэнтам. Віктар Пракапеня (справа), кіраўнік ПВТ Усевалад Янчэўскі (у цэнтры), юрыст Дзяніс Алейнікаў. Фота з фэйсбука Віктара Пракапені.

ІТ-бізнесмен Віктар Пракапеня апублікаваў у сваім ФБ пост, дзе апісаў вынікі сустрэчы праграмістаў з Лукашэнкам. 

Парк высокіх тэхналогій (ПВТ) прагназуе павелічэнне патрэбы ў праграмістах, якую будзе праблематычна закрыць, таму гатовы выдаваць усім ахвотным беспрацэнтныя крэдыты на перанавучанне па ІТ-спецыяльнасці. 

Памер крэдыту — да 6000 рублёў, з адтэрміноўкай на два гады і пагашэннем цягам трох. Крэдытаваць гатовыя да трыццаці тысяч чалавек за год.

Рабіцца гэта будзе са сродкаў самога ПВТ, куды кампаніі-рэзідэнты цяпер робяць адлічэнні. 

Як удакладніў Пракапеня ў каментары «Нашай Ніве», гаварыць пра дакладную дату пачатка выдачы крэдытаў яшчэ рана. Гэта стане магчымым пасля падрыхтоўкі прававой базы, якая будзе аформлена яшчэ адным дэкрэтам. 

«Акрамя гэтага абмеркавалі ідэю стварэння новага ІТ-Універсітэта з эксперыментальнымі падыходамі да навучання, а таксама прэзідэнт падтрымаў ідэю дазволіць некаторым школам увайсці ў ПВТ для праверкі розных эксперыментальных праграм, і, калі будзе пазітыўны вынік — маштабаваць гэтыя ідэі на ўсю краіну, — напісаў таксама Пракапеня.

— Прэзідэнт падкрэсліў, што ў адукацыі бардак, і, калі гэта не будзе выпраўлена, то хутка ў Міністэрства адукацыі будзе новы міністр.

Прэзідэнт пацвердзіў, што адукацыі будзе надавацца самая пільная ўвага і плануецца правядзенне яшчэ як мінімум адной нарады па гэтым пытанні».

У каментары «Нашай Ніве» Пракапеня таксама адзначыў, што ўсё акрэсленае стане магчымым толькі пасля прыняцця новага Дэкрэта аб ПВТ, які дазволіць уваходзіць у парк таксама і адукацыйным установам, напрыклад, — школам, якія праз гэта змогуць уводзіць эксперыментальныя праграмы, не прывязаныя да праграм Мінадукацыі.

Віктар Пракапеня чакае, што аб'ёмы экспарту ПВТ па выніках 2019 года перавысяць лічбу $ 2 млрд. За 3 гады гэты паказчык вырас у 2,4 разу. «Рубель стаіць на месцы ў тым ліку дзякуючы валюце, якая паступае ў краіну ад ІT-галіны», — кажа Пракапеня.

На сёння доля ІКТ у ВУП краіны дасягнула 5,5% — гэта супастаўна з унёскам сельскай і лясной гаспадаркі (6,4%), будаўніцтва (5,4%), транспарту (5,8%). «Да 2022 года гэтая доля вырасце да 10%», — прагназуе бізнэсовец.

Апытанка

АЯ

1
Мірон / адказаць
15.10.2019 / 10:26
Topsa, універсітэты ва ўсім свеце АЎТАНОМНЫЯ і таму на іх ні міністры-камуністы ўплыву не маюць, ні розныя поыўладныя бізнэсоўцы. Змагацца трэба не супраць кожнага дурня, а за тое, каб кожны дурань не мог уплываць на ўніверсітэт.
0
счётчик Гейгера / адказаць
15.10.2019 / 11:42
на информатике 3 года "учат" Паскаль, а набирать тексты детки в школах не умеют.... Гнать такого министра образования надо и сильно гнать.... Хотя он будет делать то что скажет диктатор. Инициатива при диктатуре как известно наказуема.
PS/ за какую проблему в РБ не возьмись , ВСЕ "СЛЕДЫ"  ВЕДУТ НАВЕРХ К ДИКТАТОРУ....
"Никчемные" оппы ! Менять его надо !
0
Василиса / адказаць
15.10.2019 / 19:18
Мірон, што так , то так.Залишне дурняу сабралася ва уладзе!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30