Даслаць навіну
Знайсці
13.10.2019 / 15:21 1

«Парывы ветру адразу зламалі новы парасон»: гімнастка Меліціна Станюта трапіла ў тайфун «Хагібіс» у Японіі

У суботу, 12 кастрычніка, на Японію абрынуўся тайфун «Хагібіс» — самы моцны за апошнія 60 гадоў. У зону дзеяння тайфуну трапілі і беларусы — гімнастка Меліціна Станюта і выкладчыца Аліна Севец.

Меліціна Станюта ў гэтыя дні знаходзіцца ў Токіа. Яна паехала ў Японію з майстар-класам.

«Бацькі гімнастак прынеслі ежу на цэлую армію, каб я не выходзіла заўтра нікуды. Паклала блізка пашпарт», — пісала Меліціна ў сваім інстаграме за дзень да тайфуна.

Посмотреть эту публикацию в Instagram

Стою я тут такая блаженная на фоне радужного токийского моста 2 дня назад . А сегодня готовлюсь к тайфуну , возможно, сама ого сильного за последние 60 лет . Родители гимнасток принесли еды на армию , чтобы я не выходила никуда завтра ( такого забитого холодильника не помню у себя ) . Положила близко паспорт. Что еще ... лежу и решаю , бояться мне или не очень ‍♀️ . ⠀ Аномальную жару ☀️ в Китае пережила поднимаясь на китайскую стену ( это был единственный выходной и упускать возможность не хотелось ) , в том же Токио ощущала землетрясение и слушала ночью равномерный скрип тросов здания ... вот теперь тайфун ⠀ #веселоживу #tokyo #japan #odaiba #rainbowbridge #samsungbelarus #s10belarus #galaxys10 #токио #япония

Публикация от Melitina Staniouta (@melitinastaniouta)

У суботу ў Токіа ўсё было зачынена, не працавала метро. Тайфун гімнастка перачакала ў нумары гатэля. На вуліцу выйшла толькі на дзве хвіліны — парывы ветру адразу зламалі новы парасон. Сёння надвор'е ў японскай сталіцы ўжо і не нагадвае пра стыхію — сонечна і спякотна, дзеліцца Меліціна Станюта.

Выкладчыца гімнастыкі з Беларусі Аліна Севец, якая стала жыве і працуе ў японскім горадзе Сібата, прэфектура Ніігата (на паўночны захад ад Токіа), расказвае, што пра тайфун ім загадзя паведамілі ў навінах і на працы. Усе мерапрыемствы, якія былі запланаваны на выходныя, адмянілі.

«Мяне праінструктавалі на рабоце, выдалі ліхтарык на выпадак, калі выключыцца святло, сказалі закупіцца ежай і вадой, каб не выходзіць на вуліцу, — дзеліцца Аліна. — Таксама сказалі зачыніць усе вокны і завесіць шторамі на выпадак, калі разаб'е шкло».

Ні крамы, ні транспарт у суботу не працавалі. Зранку ішоў дождж і быў невялікі вецер, але з кожнай гадзінай надвор'е пагаршалася.

«Самы моцны вецер і дождж у нас быў прыкладна з васьмі вечара да гадзіны ночы. Адзін раз трэсла, як пры дробным землятрусе. Было страшна. Мне пастаянна тэлефанавалі і пісалі калегі з універсітэта, пыталіся, як я, і казалі не хвалявацца. З маіх знаёмых ніхто, дзякуй Богу, не пацярпеў», — расказвае дзяўчына.

На тэлефон часта прыходзілі экстранныя паведамленні. Там расказвалася, як дзейнічаць на выпадак эвакуацыі (з іншых раёнаў, дзе быў ачаг тайфуна, людзей вывезлі загадзя). У нядзелю ранкам жыхары горада атрымалі sms, што план эвакуацыі адмяняецца.

«У маім раёне усё абышлося, але ў іншых былі затапленні. Зранку яснае надвор'е, дажджу пакуль няма. Машыны ездзяць, людзі выходзяць на вуліцу, усё працуе», — кажа Аліна.

У мясцовых навінах паказваюць, як у іншых прэфектурах экскаватары разбіраюць завалы на месцы разбураных дамоў. На вуліцах — перавернутыя машыны і паваленыя лініі элетраперадач. Асабліва затапіла прэфектуры Сайтама і Нагана.

Колькасць ахвяр тайфуна «Хагібіс», які абрынуўся на Японію, дасягнула 33 чалавек, паведамляюць інфармагенцтвы. Яшчэ 19 чалавек прапалі без вестак і каля 150 атрымалі траўмы.

Тайфун ударыў па Японіі ў суботу. Мясцовыя ўлады абвясцілі максімальны ўзровень пагрозы ў 12 прэфектурах цэнтральнай часткі краіны, у тым ліку Токіа.

У прэфектурах Нагана і Сайтама адбыліся буйныя паводкі з-за разліву рэк. Мясцовыя жыхары вымушаныя чакаць дапамогі на дахах сваіх дамоў, адкуль іх эвакуююць верталётамі.

НЛ

5
Nokia / адказаць
13.10.2019 / 16:46
А ўсё таму што Гуркоў у фрэндзоне) Так бы ўсё было нармалёва.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30